د ارشاد، حج او اوقافو وزارت مرستیال او ورسره مل پلاوی په یوه رسمي سفر ایران هېواد ته ولاړ .
۱۵ ربیع الأول ۱۴۴۶هـ ق (۲۸ سنبله ۱۴۰۳هـ ش)
د افغانستان اسلامي امارت د ارشاد حج او اوقافو وزارت د عرفان او دیني ځایونو د چارو تنظیم مرستیال شیخ مولوي عزیزالرحمن منصور او ورسره مل پلاوی نن د ایران د اسلامي جمهوریت په رسمي بلنه او د افغانستان د اسلامي امارت په استازیتوب ددې هېواد په پلازمینه تهران کې د اسلامي وحدت په( ۳۸) نړیوال کنفرانس کې د ګډون په موخه دغه هېواد ته ولاړ.
یاد کنفرانس د (گډو ارزښتونو د لاسته راوړنو لپاره د اسلامي همکاري) تر عنوان لاندې د ( ۱۴۴۶) هجري قمري کال د ربیع الأول له ۱۵مې نېټې څخه پیل کېږي او ددې میاشتې تر ۱۷مې نېټې پورې به دوام ولري.
په یاد نړیوال کنفرانس کې د اسلامي نړۍ د بېلا بېلو ستونزو او مسایلو په اړه خبری کیږي چې د نړۍ له مختلفو هېوادونو څخه پکې علماء کرام، مفکرین، څېړونکي او مشهورو شخصیتونو گډون کوي
