په مرکز او ولاياتو کې ټولو رسمي او غيررسمي امامانو او خطيبانو ته دارشاد، حج او اوقافو وزارت دمقام هدایت !
دا چې د سويډن په هېواد کې د يو متصعب کافر لخوا د مسلمانانو سپيڅلي کتاب قرآن کريم بې حرمتي شوي ده او قرآن کريم يې سوځولی دی، بناءً په ټول هيواد کې ټولو رسمي او غير رسمي خطيبانو او امامانو ته جدي سپارښتنه کيږي، چې د قرآن کريم بې حرمتي د جمعې په ورځ د خطابت په يوه برخه کې په شديدو الفاظو سره وغندي.
هیڅ مسلمان ته دا کړنه د منلو وړ نه ده او د سويډن دولت څخه په کلکه غوښتنه کوو، چې دغه متعصب شخص ته سنګينه سزا ورکړﺉ، ترڅو په آينده کې څوک د داسې عمل جرئت ونکړي.
