د ارشاد، حج او اوقافو وزارت استازي د النقابة العامة للسيارات شرکت له رئیس سره وکتل
۱۷ جمادی الثانی ۱۴۴۴ هـ ق (۲۰، جدی ۱۴۰۱ هـ ش)
سعودي عربستان، جده: د ارشاد، حج او اوقافو وزارت مالي او اداري عمومي رئیس محترم مولوي عبدالولي حقاني، چې ددې وزارت با صلاحيته استازي دی د سعودي عربستان په جده ښار کې د حج له مسؤلینو سره د خپلو لیدنو په لړ کې نن د غرمې وروسته د النقابة العامة للسيارات شرکت له رئیس سره وکتل.
په دې کتنه کې دواړو لورو د مکې معظمې له ودانيو (عمارو) څخه تر مشاعرو (منی، عرفات او مزدلفې) پورې د فرضي حج مراسمو د ترسره کولو پر مهال افغان حاجیانو د لېږد او بېرته ودانیو ته د راستنیدو په اسانتیاوو هر اړخیزي خبري وکړي.
د یادونې وړ ده، چې د النقابة العامة للسيارات شرکت په مکه مکرمه کې له خپلو ودانیو څخه تر مشاعرو پورې د فرضي حج مراسمو د ترسره کولو لپاره د حاجیانو تنظیم، لیږد او بېرته د راستنیدو مسؤلیت په غاړه لري.
