د ارشاد، حج او اوقافو وزارت مرستیال د پکتیا ولایت اړوند د خانقاوو له مسؤلینو سره وکتل.
۷ شعبان المعظم ۱۴۴۴ هـ ق (۹ حوت ۱۴۰۱ هـ ش)
نن سه شنبه له غرمې مخکې د ارشاد، حج او اوقافو وزارت د عرفان او مذهبي ځایونو د چارو تنظیم معین شیخ عزیز الرحمن منصور د پکتیا ولایت اړوند د خانقاوو مسؤلینو سره په خپل کاري دفتر کې وکتل.
په یاده لیدنه کې د ارشاد، حج او اوقافو وزارت مرستیال، د پکتیا ولایت د زرمت ولسوالۍ ستر شخصیت خلیفه صاحب عبدالرحیم، د روحاني بابا ولسوالۍ جید عالم خلیفه صاحب سلام ګل او د زرمت ولسوالي یو شمیر متنفذینو هم ګډون درلود.
په دې کتنه کې د ارشاد، حج او اوقافو مرستیال د یاد ولایت د خانقاوو مسؤلینو ته ښه راغلاست ووایه او زیاته یې کړه، چې د خانقاوو څخه په دوامداره توګه څارنه او د چارو څخه یې ښه مدیریت زمونږ او ستاسو مسؤلیت دي.
ښاغلي منصور د دغه ولایت د خانقاوو مسؤلینو ستونزي او مشکلات واوریدل او دوی ته یې د هر اړخیزې همکارۍ ډاډ ورکړ.
