د مرکز او شمال زونونو حاجیان له مدینې منورې څخه مکې مکرمې ته په خیر سره ورسېدل.
شنبه ۱۰ ذوالقعدة الحرام ۱۴۴۵ هـ ق (۲۹ ثور۱۴۰۳ هـ ش)
نن له غرمې وروسته د مرکزي زون ( د کابل ناحیو او لغمان ولایت ) او د شمال زون ( کندز، سرپل او تخار ولایتونو) حاجیان له مدینې منورې څخه په منظم ډول د عصري بسونو په واسطه مکې معظمې ته ورسېدل او په (برکة بلازه او منازل الطلائع) عمارو کې د تسکین کمېټې له لوري ځای پر ځای شول، دوی په نبوي حرم کې د څلوېښت لمونځونو او د مقدسو ځایونو زیارت کولو وروسته د ترحیل کمېټې له لوري مکې مکرمې ته ولېږدلول شول.
د یادونې وړ ده چې سږکال افغان حاجیانو ته ټولې عمارې (ودانۍ) د بيت الله شريفې سره نیږدې، چې د ژوند ټولې اسانتياوې په درلودلو سره د ارشاد، حج او اوقافو وزارت له لوري په مناسبه بيه په اجاره نيولې شوي دي
