د ارشاد، حج او اوقافو وزیر د حاجیانو دمعلمینو سیمنار دپای غونډه کې کډون او وینا وکړه

د ارشاد، حج او اوقافو وزیر د حاجیانو دمعلمینو سیمنار دپای غونډه کې کډون او وینا وکړه ۱۴ روان هجري قمري کال د حجاج کرامو د معلمینو لپاره روزنیز سیمینار چې د اوو ورځو لپاره د ارشاد، حج او اوقافو وزارت له لوری د حاجیانو په مجتمع کې پیل شوې وه، نن پای ته ورسېد. په همدې تړاو جوړې شوې غونډه کې د ارشاد، حج او اوقافو وزیر شیخ الحدیث دکتور مولوي نور محمد ثاقب او ددې وزارت مرکزي ریاستونو یو شمیر رئیسانو ګډون درلود. غونډه د قرآن کریم د څو مبارکو آیتونو په تلاوت سره پیل شوه، ورپسې د ارشا، حج او اوقافو وزیر شیخ الحدیث دکتور مولوي نور محمد ثاقب په تفصیلې ډول دیني او لارښودنکې وینا وکړه او زیاته یې کړه : ډېر خوشحاله یو چې نن په داسی یوه غونډه کې شتون لرو، چې د هېواد شیوخ او جید علماء کرام په کې حضور لري. ښاغلي ثاقب ټولو هغو معلمینو ته چې په آزموینه کې په لوړو نمرو سره بریالي شوې دي مبارکي وویله او د دندو په چارو کې یې ورته د بریالیتوب آرزو وکړه. نوموړي زیاته کړه، چې الله ﷻ دې تاسو ته توفیق درکړي چې له دې سیمینار څخه مو ډېر څه زده کړي وي او په خپلو ولایتونو او ولسوالیو کې تلونکو حاجیانو ته د حلقاتو له لارې دحج مناسک ور زده کړي. همدا زار یې ‏د حاجیانو معلمینو ته په خطاب کې وویل چې د حج مناسک مو په ښه ډول نه وی زده کړي په کامل ډول د حج فریضه اداء سخته وي، هغه حاجیان چې د حج فریضې د اداء کولو لپاره ځې دوه برخې فرایض باید سم زده کړي لومړی دحج فرائض او دویم د حج پوهه فرض ده نو ددغو موضوعاتو زدکړه تاسو ته راجعه کیږي. د غونډې په پای کې ښاغلي ثاقب ټولو معلمینو ته خپلو ور سپارل شویو چارو کې د سر لوړي او بریالیتوب دعاء وکړه.