د مدینې منورې د حج بعثې اجرائیوي رئیس په مشرۍ کاري غونډه تر سره شوه.
![جلسه کمیته کاری مدینه](/sites/default/files/2023-07/img-20230711-wa0010.jpg)
۲۲ ذوالحجة ۱۴۴۴ هـ ق ( ۱۹ د سرطان ۱۴۰۲ هـ ش)
د ارشاد، حج او اوقافو وزارت د اسلامي عرفان او دیني ځایونو د چارو تنظیم مرستیال او د مدینې منورې د حج بعثې اجرائیوي رئیس شیخ عزیز الرحمن منصور تر مشرۍ لاندې افغان حاجیانو ته د غوره خدمتونو د وړاندې کولو، د پلانونو تطبیق او همغږۍ په تړاو غونډه جوړه شوه، چې په یاده غونډه کې د حج کاري کمېټو مسؤولینو هم ګډون درلود.
غونډه د قرآن عظیم الشان د څو مبارکو آیتونو په تلاوت سره پیل شوه، ورپسې د حج کاري کمېټو مسؤولینو د خپلو پلانونه له مخې: له مکې مکرمې څخه مدینې منورې ته د افغان حاجیانو د کاروانونو د راتګ، سپیڅلو او مبارکو ځایونو ته، ریاض الجنة ته، نبويﷺ جومات ته د پنځه وخته لمانځه لپاره د تګ راتګ او اسانتیاوي برابرول، د روغتیایي کلینیکونو ۲۴ ساعته فعالیتونو په تړاو او د نورو اړوندو موضوعاتو په اړه یې د غونډې ګډونوالو ته معلومات وړاندې کړل، د حج بعثې اجرائیوي رئیس شیخ عزیز الرحمن منصور د پورتنیو موضوعاتو د اورېدلو په ترڅ کې مسؤولینو ته لازمې سپارښتنې واورولې او د کاري کمېټو تر منځ يې د همغږۍ په برخه کې د کار د بریالیتوب په موخه ګډونوالو ته ګټورې لارښوونې وکړې.