د ارشاد، حج او اوقافو وزارت استازی د سعودي عربستان د حج او عمرې وزارت له مرستیال سره په دغه هېواد کې وکتل.
۲۸ جمادي الثانیة ۱۴۴۵ هـ ق ( ۲۰ جدي ۱۴۰۲ هـ ش)
جده: د ارشاد، حج او اوقافو وزارت با صلاحیته استازی محترم مولوي عبدالولي حقاني نن د سعودي عربستان د حج او عمرې وزارت له معین دکتور عبدالفتاح مشاط سره وکتل.
په دې کتنه کې د ۱۴۴۵ هجري قمري کال د افغانستان لپاره د (۳۰) زره تنو د حج سهمې قرارداد لاسلیک کول او په نورو مهمو مسايلو کې لکه: د اوقافي ملکیتونو (د افغاني رباط او سلیماني رباط) د بیرته ورکولو موضوع، د حج د سهمې زیاتوالی او همدارنګه د بانکي حوالو ستونزې او د حج اړوند نورو ستونزو د حل لپاره بحث وشو او د سعودي عربستان لخوا ورته په دې برخه کې د هر اړخیزو همکاریو ډاډ ورکړل شو.
