د ارشاد، حج او اوقافو وزیر او ورسره پلاوي د تاشکند ښار له دیني او اسلامي مرکزونو څخه لیدنه وکړه.
د ارشاد، حج او اوقافو وزیر شیخ الحدیث سر محقق دوکتور مولوي نور محمد ثاقب ازبکستان هېواد ته د خپل سفر په دوام نن په تاشکند کې د امام بخاري رحمه الله له مدرسې او ښوونیز مرکز، د کتاب نندارتون او کتابتون څخه د لیدنې ترڅنګ د دغې مدرسې له تدریسي بهیر، د حضرت عثمان رضی الله عنه په عصر کې له لیکل شوي قرآن کریم او مصحف له نندارتون او د تاشکند ښار له ګڼو دیني بنسټونو څخه لیدنه وکړه.
یاد پلاوي د تاشکند ښار د اسلام اباد په جامع جومات کې د تراویح لمونځ هم اداء کړ.
