د ارشاد، حج او اوقافو وزیر د مخابراتو او معلوماتي ټکنالوژۍ له وزیر سره وکتل.
دارشاد، حج او اوقافو وزیر مولوي عبدالحکیم منیب د مخابراتو او معلوماتي ټکنالوژۍ وزیر ښاغلي محمد فهیم هاشمي سره د حج پروسې د الیکترونیکي کولو سیستم پر بشپړتیا لیدنه او خبرې اترې وکړې.
په دغه لیدنه کې چې د وزارت لوړ پوړو چارواکو هم حضور درلود، ددې پروسې په څرنګوالي او تطبیق خبرې وشوې او ټینګار یې وکړ، چې ډېر ژر دې دغه پروسه په مؤثر ډول بشپړه او ګټه اخیستنې ته وسپارل شي.