د ارشاد، حج او اوقافو وزير د ترکمنستان د بهرنیو چارو له وزیر سره وکتل.
دارشاد، حج اوقافو وزیر محمد قاسم حلیمي، ورسره هيئت او په عشق اباد کې دافغانستان سفیر نن د دوست هېواد ترکمنستان د بهرنیو چارو له وزیر او سیاسی مرستیال سره وکتل .
ياده ليدنه کې د افغانستان د سولې په پروسه خبرې وشوې او دترکمنستان هیواد د افغان حکومت د سولې له طرحې کلک ملاتړ وکړ.
محمد قاسم حلیمي د دواړو هيوادنو پر دیني، علمي او اقتصادي اړيکو ټینګار وکړ او زیاته يې کړه چې د دي وخت را رسیدلی ده چې د دواړو هيوادنو د علماوو تر منځ اړیکي تر بل هر وخت پیاوړې شي.
ښاغلي حلیمي د ترکمنستان له دولت او خلکو مننه وکړه چې له افغان مهاجرو سره یې د نړیوالو قوانینو په رڼا کې نېک او د دوستي برخورد کړی.
د ترکمنستان د بهرنیو چارو وزير پلازمېنه کابل کې د لوی دیني کتابتون د جوړېدو ژمنه وکړه او په وينا یې ډير ژر به د اسيايي هيوادونو د علماوو شورا جوړه کړي.
ياده ليدنه کې ژمنه وشوه چي د دواړو هيوادنو د علماوو ګډ کنفرانس به د افغان دولت په کوربه توب هرات ولايت کې جوړ شي.
