د ارشاد، حج او اوقافو وزير د تركيې په استانبول ښار كې د اسلامي نړۍ د علماوو په مشورتي غونډه كې وينا وکړه.
دوشنبه ۵ ذوالقعدة الحرام ۱۴۴۵ هـ ق (۲۴ ثور۱۴۰۳ هـ ش)
نن د افغانستان اسلامي امارت د ارشاد، حج او اوقافو محترم وزیر شیخ الحدیث سرمحقق قضاوتپوه دکتور مفتي نور محمد ثاقب د نړۍ د علماوو مشورتي غونډه کې چې د ترکیې هېواد په استانبول ښار جوړه شوې وه د خپلې وینا په مهال وویل: زما لپاره د ویاړ ځای چې په داسي لوی کنفرانس کې ګډون کوم چې په کې د اسلامي نړۍ ډېر علماء (د دین ستوري) هم حضور لري، زه د ترکیې هېواد د دیني چارو ادارې (دیانت) څخه مننه کوم چې په دې حساس وخت کې یې د اسلامي امت پر وړاندې د شته ننگونو د حل لارو چارو پیدا کولو په خاطر د اسلامي نړي د علماء داسې مشورتي کنفرانس جوړ کړي ده.
نوموړي زیاته کړه: چې نن ورځ مختلفو فکري، سیاسي، ټولنیزو، اقتصادي ناورینونو اسلامي امت له ننګونو سره مخ کړي چې په پایله کې د اسلامي هېوادونه د کمزوری کېدو سبب رځیدلي دي، چې اسلامي امت په ډېره جدي توگه د هغو درملني ته اړتیا لري، او یواځی علماء کرام کولای شي چې په دې حساس وخت کې د اسلام مبین دین د لارښوونو سره سم د دې امت د خلاصون او لاس نیولو لامل وګرځي.
د ارشاد، حج او اوقافو وزیر زیاته کړه: چې اقصی جومات یواځي په فلسطین پورې اړوند نه دي بلکه په ټول اسلامي امت پورې اړه لري د اقصی جومات تاریخ د انبیاوو علیهم السلام د حضرت آدم علیه السلام څخه پیل او تر اخرین پېغمبر حضرت محمد ﷺ پورې رسېږي او پیغمبر صلی الله علیه وسلم له دغه مقدس ځای څخه د اسمانونو په لوري عروج کړي دی، نن ورځ د فلسطین مظلوم خلک په وحشيانه ډول تر برید لاندې راغلي دي او په سلګونو مسلمانان هره ورځ د ماشومانو او ښځینوو په ګډون په شهادت رسېږي، اوس په اسلامي امت پورې اړه لري چې ترڅو په یوالي او اتفاق سره د ددغو جنایاتونو په وړاندې مخالفت وکړي او د فلسطین خلکو سره خپل قاطع ملاتړ اعلان کړي.
اسلامي امارت او د افغانستان مجاهد اولس په غزه او فلسطین کې چې څه تیریږی سخت دردمند او متاثر دې، ځکه د ننني فلسطین په څېر افغانستان هم نیمه پیړۍ کېږی چې دشورویانو او امریکایانو د اشغال په وخت کې له افغان اولس سره ډېر ظلمونه او جنایتونه ترسره شوي دي.
د افغانستان اسلامي امارت د فتحې او بریا وروسته له شرق څخه تر غربه او له شمال څخه تر جنوبه پورې په ټول هېواد کې امنیت تأمین کړي ده او د اسلامي نظام په رأس کې علماء کرام قرار لري شریعت او عدالت الحمدلله د ژوند په ټولو برخو کې نافذ دی او خلک د نظام تر څنګ ولاړ دي.
د افغانستان اسلامي امارت د هېواد اقتصاد د ودې لپاره ډیری هڅې پیل کړي دي، ډیرې کټوری پروژی په مرکز او ولایتونو کې ترسره کیدو په حال کې دی، اسلامي امارت هڅه کوي چې خلکو ته د کارموندنې زمینه برابره کړي.
سربیره پردې، اسلامي امارت د نشه یي توکو کښت او سوداگري په جدي توگه منع کړي ده او په ضد یې قاطعانه اجراات کوي کوم چې د بشریت په وړاندي لوي ګواښ بلل کیږی.
په اخیر کې باید ووایم چې اسلامي امارت د سیمې، نړۍ او په ځانګړي توگه له اسلامي هېوادونو سره ښې او متقابلي اړیکې غواړي .
