له مدینې منورې څخه د افغان حاجیانو لومړۍ کاروان نن کندهار ولایت ته راورسېده
۲۹ ذوالحجة ۱۴۴۴ هـ ق (۲۶ سرطان ۱۴۰۲ هـ ش) افغان حاجیانو سږکال پرته له کومي ستونزي د حج مناسک په ښه توګه ترسره کړل او نن بیرته په لومړی کاروان کې، چې د ارزګان ولایت شاوخوا (۳۴۶ ) تنه حاجیان په کې شامل وه، کندهار ولایت ته را ورسېدل. د احمد شاه بابا په نړیوال هوایي ډګر کې د ددې ولایت یو شمېر د رهبرۍ غړو او د ارشاد، حج او اوقافو ریاست مسؤولینو له لوري د ګلونو په ورکولو سره د افغان حاجیانو تود هرکلی وشو. هغه افغان حاجیان چې د حج پروسې په پای کې سعودي ته رسېدلي وو او له حج اداء کولو وروسته مدینې منورې ته د اتوو شپو او ورځو تیرولو، په نبوي جومات کې د څلویښتو لمونځونو اداء کولو او سپېڅلو زیارتونو کولو ورسته به هېواد ته را ستانه شي. د یاد ونې وړ ده چې سعودي عربستان څخه ګران هېواد ته تر دې دمه مرکز، شمال، جنوب او لویدیځ زونونو ته د کام ایر هوایي شرکت لخوا د (۳۳) الوتنو په ترڅ کې شاوخوا (۱۲) زره افغان حاجیان د جدې او مدینې منورې هوایي ډګرونو له لارې د کابل، بلخ، هرات او احمد شاه بابا نړیوال هوایي ډګرونو ته انتقال شوي دي.
