د معاصرې نړۍ ننګونې « نفرت خورونکې ویناوي ، تروریزم ، افراط ګرايي
سې شنبه ٢٠ لړم ١٣٩٩
دغه کنفرانس د اذربایجان هېواد له لوري تنظیم شوی و، چې لومړی د اذربایجان مفتي او د قفقاز د مسلمانانو د سازمان رییس، شیخ الاسلام الله شکر باشازاده، ورپسې د اسلامي علماوو د نړیوالې اتحادیې مرستیال علي محی الدین القره داغي او همداشان د ترکیې د دیني چارو وزیر دکتور علي ارباش ویناوې وکړې، چې د اسلامي نړۍ په بېلابېلو اړخونو او ستونزو د حل په باب یې خپل نظریات شریک کړل. ویناوالو د خپلو خبرو تر څنګ په افغانستان کې روانه جګړه حرامه وګڼله او د جګړې له ټولو اړخونو یې وغوښتل، چې جګړه ودروې او سولې ته لومړیتوب ورکړي
په همدې ترتیب، پدې کنفرانس کې د افغانستان په استازیتوب د ارشاد، حج او اوقافو وزارت سرپرست محمد قاسم حلیمي هم وینا وکړه. نوموړي د سولې، دیني مقدساتو ته د سپکاوي، د اسلام د ستر پیغمبر حضرت محمد (صلی الله علیه وسلم) د کارټون خپرولو، اسلامي افراطیت، ترهګرۍ او د اسلامي هېوادونو ترمنځ د همکارۍ پراخوالي په اړه ویناوې وکړې. هغه په افغانستان کې د جګړې د حرمت او د افغانستان په مسله کې د ګډونوالو د وروستي دریځ په ځانګړي ډول په دې هیواد کې د روانې جګړې د حرمت په اړه مننه او قدردانی وکړ.
ګډونوالو د افغانستان اسلامي جمهوریت، منځني ختیځ، د نړیوالو قوانینو په چوکاټ کې د فلسطین د کورنۍ شخړې له منځه وړلو او په سوریه، لیبیا او نورو سیمو کې د سولې رامنځته کولو لپاره د عادلانه حل لارې ملاتړ وکړ. همدا رنګه ټولو ګډونوالو د انسانیت د هوسا راتلونکې لپاره د نړۍ د تمدنونو او مذهبونو ترمنځ د سولې، امنیت، یووالي او همغږي ترلاسه کولو هدف ته خپله ژمنتیا څرګنده کړه.
ویناوالو د بیان ازادي او دیموکراسي تر نامه لاندې د سپېڅلو دیني ارزښتونو ته د سپکاوي غندنه، په ځانګړې توګه د اسلام د پیغمبر (صلی الله علیه وسلم) د کارټون خپرولو غندل.
دوی د تروریزم د زیاتېدو، مذهبي او توکميز تاوتریخوالي، تبعیض د ترهګرۍ او افراطي ډلو لخوا د مذهبي ارزښتونو له لارې د سولې د نړیوالو خبرو اترو او انساني همغږۍ ته د خطر په اړه هم بحث وکړ.
دوی پر نړیوالې ټولنې غږ وکړ، چې د نفرت هغه بیان پای ته ورسوي چې په اسلامي هېوادونو په ځانګړي توګه په افغانستان کې د پرمختګ، ثبات او امنیت خنډ ګرځي او د هغه تبلیغاتي پروپاګند مخه ونیسي چې د قومي او مذهبي سپکاوي لامل کیږي.
هغوی د اذربایجان جمهوریت جمهور رییس ښاغلي الهام علي اُف څخه د دغه کنفرانس په لاره اچولو مننه وکړه. هغه د اسلامي همکاریو سازمان د مشر ډاکتر یوسف بن احمد العثیمین او د قفقاز د مسلمانانو د سازمان رییس، شيخ الاسلام الله شكر باشازاده څخه د دې کنفرانس د جوړولو لپاره مننه وکړه.
