د ارشاد، حج او اوقافو وزارت خبرتیا!
د کابل ښار د ټولو ناحیو اوسېدونکي چې د حج بیت الله شریف د فریضې د ادأ کولو غوښتنه لري، خبر ورکول کېږي، چې د ١٣٩٩ کال د نوم لیکنې او راتلونکو کلونو له پاره د خپلو اړونده ناحیو د سهم نوبت ته نوم لیکنه د چهارشنبې ورځې ٢٠\٩\١٣٩٨ نېټې څخه پیل او تر ٥\١١\١٣٩٨ پورې زړو مکرویانو( د ملي بس څلور لارې) ته څېرمه د مرکزي زون د حاجیانو ټولنځای (مجتمع حجاج) کې دوام لري.
د خپلو اسنادو د تکمیلولو له پاره د لاندې ذکر شوو اسنادو سره تشریف راوړﺉ.
١۔ د اول قسط تحویلولو لپاره (٥٠٠) امریکایي ډالر.
٢۔ د اصلې تأید شوې تذکرې او دوه رنګه کاپي درلودل.
٣۔ د اته قطعو (٣×٤) اوسني انځورونو درلودل.
٤۔ د الیکترونیکي پاسپورت د لرلو په صورت کې د هغې کاپي.
په ولایتونو او د کابل ولسوالیو کې د حج متقاضیان د اړونده ریاستونو د خبرتیا په صورت کې کولای شي چې له پورته ذکر شوي اسنادنو سره په ټاکلي وخت خپلو ولایتونو کې د ارشاد، حج او اوقافو ریاست ته مراجعه وکړي.
