د ارشاد حج او اوقافو خبرتیا
د ارشاد، حج او اوقافو وزارت خبرتیا د حج متقاضیانو درنو ناظمینو! لکه څرنګه چې تاسو ته بهتره معلومه ده، چې د ١٣٩٩کال د حاجیانو د ناظمینو تحریري ازموینه مخکې د اداري اصلاحاتو او ملکي خدمتونو کمیسیون له لوري اخیستل شوې وه او پایلې یې هم د همدې کمیسیون د ویب سایټ له لارې اعلان شوي وې، چې د ازموینې ځینو ګډونوالو ته پایلې د قناعت وړ نه وې. بناء د ارشاد، حج او اوقافو وزارت په غوښتنه او د اداري اصلاحاتو او ملکي خدمتونو کمیسیون د استازو په موافقه، هغه نوماند ناظمین چې د یادې ازموینې له پایلو څخه راضي نه وي، کولی شي، چې د روان کال د چنګاښ میاشتې تر ٣٠مې نېټې پورې خپل شکایتونه په مرکز کې د فرضي حج ریاست او په اړونده ولایتونو کې دې د ارشاد، حج او اوقافو ریاستونو کې خپل شکایت ثبت کړي. په ولایتونو کې د ارشاد، حج او اوقافو ریاستونه مکلف دي، چې د نوماند ناظمینو راټول شوي شکایتونه دې د چنګاښ میاشتې په ٣١مه نېټه په مرکز کې رسماً د فرضي حج ریاست ته وسپاري، تر څو د هغوی شکایتونه وڅېړي او په اړه یې لازم تصامیم ونیول شي.
