د فرانسوي طنزيه مجلې (شارلي ابدو) له لوري د اسلام ستر پیغمبر حضرت محمد صلی الله علیه وسلم شخصیت ته د سپکاوي په تړاو د افغانستان اسلامي جمهوري دولت د ارشاد، حج او اوقافو وزارت اعلامیه

bakhshi_admin
Tue, Sep 15 2020 3:13 PM
اعلامیه

دافغانستان اسلامي جمهوري دولت د ارشاد، حج او اوقافو وزارت په ډېرې خواشینۍ سره د اسلام ستر پیغمبر حضرت محمد صلی الله علیه وسلم ته منسوب کاریکاتور د فرانسوي شارلي ابدو طنزيه مجلې له لوري د بیا بیا خپرولو خبر سخت اندېښمن کړ.

د افغانستان اسلامي جمهوري دولت د ارشاد، حج او اوقافو وزارت نه یوازې دا عمل غندي، بلکې د افغانستان د مسلمان او متدین ملت په ځانګړي ډول د افغانستان د علماوو، روحانیونو او د افغانستان اسلامي جموري دولت په استازیتوب دغه عمل ناروا او فتنه خورونکی عمل بولې او ټولو اسلامي هېوادونو او د بې عدالتۍ او افراط ګرایي سره د مبارزې سازمانونو ته په لاندې ډول خپل شکایت وړاندې کوي.


١۔ د حضرت محمد صلی الله علیه وسلم شخصیت ته سپکاوی نه یوازې دا چې د نړۍ له یو نیم میلیارد ډېرو مسلمانانو ته سپکاوی دی؛ بلکې ټولو الهي انبیاوو، اسماني ادیانو او د هغوی رښتیني پیروانو حتی د ویښ او آګاه ضمیر ټولو انسانانو ته سپکاوی دی.
٢۔ د حضرت محمد صلی الله علیه وسلم شخصیت ته سپکاوی انساني ارزښتونو، اصولو او منلو شویو نړیوالو قوانینو ته سپکاوی دی.


٣۔ د حضرت محمد صلی الله علیه وسلم شخصیت ته سپکاوی د جهالت ښکارندوی، ناپوهي، داسلام د مبین دین او نورو اسماني ادیانو څخه ناخبري او د هغه مبارک صلی الله علیه وسلم له نور او برکت څخه د ډک ژوند په اړه د معلوماتو کمزورتیا ده.


٤۔ د حضرت محمد صلی الله علیه وسلم شخصیت ته سپکاوی په نړۍ کې د اوسېدو او ژوند کولو له ټولو اصولو سرغړونه ده، عدم مسؤلیت پذیري ده، چې د تاوتریخوالي او نا امنۍ ښکارندويي کوي.

 


٥۔ د حضرت محمد صلی الله علیه وسلم شخصیت ته سپکاوی په نړۍ کې له مسلمانانو سره ژوره دښمني، شرارت، فتنه، وېره خورول، افراطیت او د جرمي پېښو لوړولو په معنا ده.
هغه نړۍ چې موږ پکې ژوند کوو او د راتلونکو ورځو د سکون، ارامتیا او پرمختګ فکر یې له ځان سره لرو، بې له یو بل منلو، متقابل احترام، د وجایبو او حقوقو په رعایت کولو، د ملتونو دود، فرهنګ او دیني ارزښتونو ته درناوي د نه درلودلو په صورت کې به مو هغه هیله د تمې پر خلاف وي او د سکون ورځې به له تصور څخه لرې وي.

 

په همدې اساس دغه وزارت د اسلامي هېوادونو او ټولو هغو سازمانونو څخه چې د افراط ګرايي او د تروریزم پر وړاندې ځان ژمن بولي غواړي، چې دغه نه بخښونکی عمل وغندي او ددې کار عاملینو ته ژر تر ژره د سختې سزا ورکولو غوښتنه وکړي. په ځانګړي ډول له فرانسې هېواد څخه هیله کېږي، چې په دغه برخه کې د رښتینولۍ او حُسن نیت لپاره ددې جرم عاملین په علني ډول مجازات کړي، تر څو په نړۍ کې د غچ او انتقام اخیستلو حس او بل شوی اور خاموش کړي.

داسې کسان او سازمانونه ددغسې کړنو په ترسره کولو سره نه یوازې داچې په نړۍ د ادیانو او اطباعو تر منځ یې د جنایي خطرناکه پېښو او د افراطي افکارو پراختیا ته وده ورکوي، بلکې د خپلو هېوادونو د کورني امنیت د خرابېدو لامل هم کېږي.

له بل پلوه د خپل ټول متدین او غیور ملت څخه په خورا درنښت غواړو، چې خپل سپېڅلي دیني احساسات کنټرول کړي.

دغه راز له ټولو هېوادوالو څخه غواړو، چې د هرډول بې نظمي او له اړونده ارګانونو سره له همغږۍ پرته له راټولېدو څخه ډډه وکړي.

په افغانستان کې د یوې تلپاتې سولې او په نړۍ کې د اسلام او مسلمانانو تر څنګ د سوله ایز ژوند په هیله.

Latest news

Mon, Jun 27 2016 3:31 PM
Background image

Signing memorandum of cooperation between Ministry of Hajj, and Religious Affairs and the Ministry of Education

Memorandum on removing illiteracy between ministry of Hajj and religious Affairs and ministry education was signedby Excellency Faiz Mohammad Osmani Minister of Hajj and Religious. . .

Sun, Jun 05 2016 10:32 AM
Background image

The first registration and organization center of hajj affairs (Integrated pilgrims central zone) in Kabul, inaugurates

The first Hajj Operation registration center(integrated pilgrims central zone) was inaugurated in a special ceremony in the presence of His Excellency Chief Executive of the Islamic. . .

Sat, Jun 04 2016 3:26 PM
Background image

Distributionof mosques prayer carpetbegin, in cooperation with the Embassy of Saudi Arabia in Afghanistan

Distribution of 190000 meter prayer carpet which cost two million dollars, for mosques of center and provinces in the country from the aids of friend and brother country SaudiArabia. . .

BACK TO NEWS