د هېواد د خپلواکۍ د سلمی کلیزې د غوره لمانځنې په موخه د ارشاد ، حج او او قاف وزارت او د جمهوري ریاست د چارو ادارې ترمنځ د همغږۍ غونډه وشوه.
د هېواد د خپلواکۍ د سلمی کلیزې د غوره لمانځنې په موخه د ارشاد ، حج او او قاف وزارت او د جمهوري ریاست د چارو ادارې ترمنځ د همغږۍ غونډه وشوه.
کابل : افغانستان ؛ شنبه ۱۳۹۸چنګاښ ۲۹
دا غونډه چې د ارشاد حج او او قافو وزارت په مقام کې چمتو شوی وه
غونده کې د ارشاد حج او اوقافو وزیر مولوی عبدالحکیم منیب او د چارو اداري رئیس سید عبدالوحید قتالي سربیره د وزارت مالي او ادراي مرستیال ملا تاج محمد مجاهد د وزارت د رهبرۍ هئیت ځینو غړو او د دواړو ادارو ګډ کمسیون غړو شتون در لود .
لومړی د کلام مجید څو مبارک آیاتونه تلاوت شول .
په پیل کې سید عبدالوحید قتالي د درنښت او احترام وروسته وویل : دا چې د هېواد په خپلواکۍ کې علمای کرامو پوره رول لوبولی او د هېواد خپلواکي د علمای کرامو ، روحانیونو، قاریانو او د هېواد مفتیانو د هلو ځلو ثمره ده د جلالتمأب ولسشمره د لارښونې په بنسټ باید د هېواد د غوره او نامتو علمای کرامو ، حافظانو ، دیني لیکوالانو ، مفسرین ، مفتیان ، سیرت پوهان او دیني چارو پرمخ وړونکې باید وستایل شي چې په دې برخه کې د ار شاد ، حج او اوقافو وزارت کې د شته علمی کدرونو ، هوډ منو او پیاوړو همکارانو لارښونې ګټوری دي د دې ستر تاریخي ویاړ په لمانځنه کې .
بیا د ارشاد حج او اوقافو نوښتګر پیاوړي او ټولمنلی وزیر مولوی عبدالحکیم منیب د هېواد خپلواکۍ د سلمی کلیزی په مناسبت د همکارۍ په مشخص کولو وویل : وزرات هر ډول همکارۍ ته چتمو ده او په دې برخه کې مهم او ټولمنلي ګامونه اخیستی دي . چې ښه بیلګه یې په وزارت کې د هېواد د خپلواکۍ د سلمی کلیزې د چمتوالي کورنۍ کمیټه ده چې د چارو د ادارې سره په ګډه چارې پرمخ وړي .
ورپسی د ارشاد ، حج اواوقافو وزیر کورنۍ کمیټې ته اړینې سپارښتنې وکړی . غونډه د هېواد د خیر او ښې را تلونکې په دعا پایته ورسېده
