د ارشاد، حج او اوقافو وزارت استازي د هغو شرکتونو له رئیسانو سره وکتل چې حاجیانو ته خدمات وړاندې کوي او له دوی سره یې تړونونه هم لاسلیک کړل.
۲۸ جمادي الثانیة ۱۴۴۵ هـ ق ( ۲۰ جدي ۱۴۰۲ هـ ش)
جده: د ارشاد، حج او اوقافو وزارت با صلاحیته استازی محترم مولوي عبدالولي حقاني چې د سعودي عربستان د حج او عمرې وزارت په رسمي بلنه هغه هېواد ته تللی دی.
نن د څو ناستو په ترڅ کې د النقابة العامة للسيارات، دليل الزوار (د الادلاء شركت مربوط) والوكلاء الموحد شرکتونو له رئیسانو سره د بېلابېلو کتنو په ترڅ کې، له دوی سره تړونونه هم لاسلیک کړل، چې ترڅو افغان حاجیانو ته د حج مراسمو په جریان کې په اسانۍ سره مناسب خدمات وړاندې شي.
د يادونې وړ ده، چې د موحد وکلاوو شرکت دنده؛ د جدې او مدينې منورې په هوايي ډګرونو کې د حاجيانو هرکلى کول، د حاجیانو تنظیم او په ټاکلي وخت سره له هوایي ډګر څخه خپلو ودانیو ته لیږدول او برعکس د مراسمو په پای کې په ټاکلي الوتنو کې هېواد ته بېرته لیږدول.
