په مکه مکرمه کې د سکن هیئت د جنوب آسیا مؤسسې له مسؤولینو سره وکتل
۲۶ رمضانالمبارک ۱۴۴۴ هـ ق (۲۸ حمل ۱۴۰۲ هـ ش)
په مکه مکرمه کې د سکن هیئت رئیس محترم مولوي عبدالولي حقاني او ورسره مل پلاوي د ضیوف البیت شرکت (مؤسسة جنوب آسیا) له رئیس محترم دکتور أسامه دانش او نورو مسؤولینو سره د یاد شرکت په دفتر کې وکتل.
یاده ناسته چې افغان حاجیانو ته د روان ۱۴۴۴هـ ق کال د حج په مراسمو کې د لازمو اسانتیاوو او معیاري خدماتو وړاندې کولو په موخه جوړه شوې وه، د یاد شرکت لخوا افغان حاجیانو ته په تېر ۱۳۴۳ هـ ق کال کې د وړاندې شوو خدماتو د ارزونې او په عمارو، او مقدسو مشاعرو کې د یو لړ ستونزو د شریکولو ترڅنګ، د روان کال د حج په مراسمو کې د افغان حاجیانو لپاره د اړینو خدماتو وړاندې کولو او لازمو اسانتیاوو رامنځ ته کولو، په منی شریفه کې افغان حاجیانو ته له جمراتو سره د نږدې او مرکزي ځایونو پر ټاکلو، په مقدسو مشاعرو کې پر محدودو خدماتي مکاتبو د افغان حاجیانو پر ویشلو، د ترانسپورټي شرکتونو لخوا مکې مکرمې، مدینې منورې او مقدسو مشاعرو ته د حاجیانو د انتقال د پروسې پر نظارت او څارنې او یو لړ نورو مهمو موضوعاتو تفصیلي خبرې وشوې.
ښاغلي دکتور أسامه دانش د یادو شوو ستونزو د هوارولو او په روان کال کې د لاښو او غوره خدماتو وړاندې کولو کلکه ژمنه وکړه او زياته یې کړه چې دافغانستان اسلامي امارت له مسؤلینو سره په همغږی به دافغان حاجیانو لپاره په مناسب قیمت سره تر ټولو ښه ځایونه او غوره خدمات په مقدسو مشاعرو کې دحجاج لپاره وړاندي کړي.
