د ارشاد، حج او اوقافو وزیر د سعودي عربستان په جدې ښار کې د حج په ستر کنفرانس کې ګډون وکړ
۲ ذوالحجة ۱۴۴۴ هـ ق (۳۰ جوزا ۱۴۰۲ هـ ش)
د ارشاد، حج او اوقافو وزیر محترم شیخ الحدیث دکتور مولوي نور محمد ثاقب د ۱۴۴۴ هجري قمري کال د حج په ستر کنفرانس کې چې د سعودي عربستان د حج او عمرې وزارت په بلنه په جدې ښار کې جوړ شوی وو ګډون وکړل
یاد کنفرانس د سعودي عربستان د حج او عمرې د وزیر دكتور توفیق الربیعه په وینا پرانستل شو، چې په کې د حرمینو شریفینو دچارو عمومي رئیس شیخ دکتور عبدالرحمن السدیس، دولتي مسؤولینو، د اسلامي هېوادونو دحج او اوقافو وزیرانو، داسلامې امت مشهورو علماء کرامو او پوهانو برخه اخیستې وه.
د يادونې وړ ده چې دغه كنفرانس د حج په موسم كې جوړ شوى ده ، چې موخه يې په سعودي عربستان كې د اسلامي هېوادونو د حج او اوقافو وزيرانو او د اسلامي نړۍ د علمي شخصيتونو ترمنځ د نظرونو شریک کول وه، یاد کنفرانس به په څلورو جلسو کې ترسره شی، چې په مختلفو او مهمو موضوعاتو باندی پرې خبرې اترې وشوې.
په لومړۍ جلسه کې به: حاجیانو کرامو (ضیوف الرحمن ) ته د خدمتونو په وړاندې کولو کې انسجام او همغږي.
په دویمې جلسه کې به : د عملي پلانونو ترتیب او له امكاناتو او فرصتونو څخه په استفادې د خدمتونو وړاندې کولو لپاره لازم چمتووالی.
په درییمې جلسه کې : په حج کې فقهې تسهیل (د حج په چارو کې د اسانتیاوو د برابرولو لپاره علمي تګلاره ).
په څلورمه جلسه کې : د اسلامي نړۍ د خدمت لپاره د ټکنالوژۍ له علم او نوښت څخه ګټه اخیستل.
