د افغانستان اسلامي جمهوریت د ارشاد، حج او اوقافو وزارت سرپرست او نوماند وزیر فضیلت مآب محمد قاسم حلیمي ژوند لیک

محمد قاسم حلیمي په ١٣٥٢ ه۔ل کال د لوګر ولایت د خروار ولسوالۍ په یوه متدینه، مذهبي او روښانفکره کورنۍ کې دې نړۍ ته سترګې پرانستې دي. د ژوند لومړۍ شپې او ورځې یې په لوګر ولایت کې تېرې کړي دي، لومړنۍ زده کړې یې د پاکستان په افغاني لېسه کې ترسره کړي، ثانوی زده کړې یې په ۱۹۹۴ میلادي کال د الازهر په پوهنتون کې ترسره کړې دي.

لوړې زده کړې:

۔ دمصر هېواد له الازهر پوهنتون څخه یې د شرعیاتو او حقوقو په برخه کې د لیسانس سند ترلاسه کړی دی.

۔ د ماسټري زده کړې یې دمصر د قاهرې په پوهنتون کې جریان لري.

کاري تجربه:

- د بهرنیو چارو په وزارت کې د تدقیق او مطالعاتو مدیر.

- په مزارشریف کې د بهرنیو چارو د وزارت د استازولی رئیس.

- د بهرنیوچارو د وزارت د تشریفاتو د ریاست مرستیال.

- د سترې محکمې د قضایې تفتیش عمومي رئیس.

- د سترې محکمې د قضایې تفتیش او کنترول عمومي رئیس.

- د سترې محکمې د مالي او اداري چارو عمومي رئیس.

- د قضایې ستاژ استاد.

- د پوهنې وزارت ستر سلاکار.

- د سولې د عالي شورا سیاسي سلاکار.

- دآسیا بنسټ دموسسې حقوقي سلاکار.

- د افغانستان د علماؤ د سرتاسري شورا غړی او ویاند.

- د اصلاح قباء بنسټ رئیس.

- د ا.ا.ج دولت د ملي امنیت شورا د دیني چارو رئیس او د سولې د عالي شورا غړی.

ستاینلیکونه:

- د تفتیش د ریاست پر مهال یو لومړی درجه او دوه دوېيمه درجه ستاینلیکونه.

- د سترې محکمې د مالي اواداري ریاست پرمهال لومړۍ درجه ستاینلیک او دوېیمه درجه ستاینلیک.

- د افغانستان د جمهوري ریاست د عالي مقام له لوري له اداري فساد سره د مبارزې اوپه مالي او اداري چارو کې د میر مسجدي خان عالي دولتي مډال.

- د آسیا فونډېشن له لوري یو نړیوال ستاینلیک.

له ملي او نړیوالو ژبو سره بلدتیا:

پښتو، دري، عربي او انګلیسي

د ١٣٩٩ه ل کال د زمري میاشتې په ٢٥ مه نېټه د ولسمشر محمد اشرف غني د حکم په اساس د جمهوري ریاست د دوېیم مرستیال قانونپوه محمد سرور دانش له لوري د ارشاد، حج او اوقافو وزارت د سرپرست او نوماند وزیر په توګه رسماً ددې وزارت کارکوونکو ته وروپېژندل شو.