د علامه، محدث او امام ابن حبان بستي د علمي میراثونو تر سرلیک لاندي ملي سمپوزیم ترسره کولو په مناسبت د مقالو لیکلو غوښتنه

bakhshi_admin
اطلاعیه

محترمو وروڼو او خویندو ته خبرتیا:

د ارشاد، حج او اوقافو وزارت په پام کې لري چې د هیواد علمي ځلانده ستوری علامه، محدث او امام ابن حبان بستي د درناوي او ویاړ په اړه یو ملي سمپوزیم د اعتماد او ملي هویت پیاوړتیا په موخه جوړ کړي.

 په دې توګه ټولو لیکوالانو، پوهانو او د هیواد علمي او کلتوري شخصیتونو څخه هیله کیږي چې د دوی د غوښتنو او تخصص سره سم د لاندي سرلیکونو څخه په غوره کولو، د (۱۴۰۰) هجري لمریز کال د چنګاښ د میاشتې تر (۲۰) شلمي نیټې پوري د هیواد په یوه ملي ژبه (پښتو او دري) خپلې مقالې چمتو او د ارشاد، حج او اوقافو وزارت د څیړنې او اسلامي علومو مطالعاتو ریاست ته راولیږدوي.

هیله لرو چې خپلې مقالې د لاندینیو سر لیکونو سم ولیکئ:

۱ - د هیواد دغه لوړ مقام محدث او علمي شخصیت په اړه علمي او څیړنیز خبرواترو (بحث) زمینه برابرول.

۲ ـ د اسلامي فرامینو، تعالیمو او د پېغمبر (صلی الله علیه وسلم) د لارښودنو عملي کولو په اړه د افغاني ټولنې هڅونه.

۳ ـ د علامه، افغاني محدث، امام ابن حبان بستي (رحمه الله) علمي شخصیت درناوی او د علوم حدیث  او اسلامي تمدن په پر مختګ کې د هغه رول.

۴ ـ د نبوي احادیثو په تدوین کې د عالیقدر محدث علامه ابن حبان بستي دوامداره خدمتونو او کارنامو څخه د ټولنې خبرتیا.

۵ ـ په ملي او نړیواله کچه د افغانستان ویاړ علامه امام ابن حبان بستي پیژندنه.

۶ ـ د علم او اسلامي کلتور ترلاسه کولو په لاره کې زغم او استقامت درلودل.

۷ ـ د اسلام مکرم نبي سیدنا و نبینا محمد مصطفی (صلی الله علیه وسلم) د دین تبلیغ او د امانت اداکولو په لاره کې د ده (صلی الله علیه وسلم) سوله ایزه لاره تعقیبول.

د مقالو لپاره معیارونه:

۱ ـ مقاله باید له (۳۰۰۰) کلمو څخه کمه او له (۵۰۰۰) کلمو څخه زیاته نوي.

۲ ـ د لیکوالۍ اصول او ضوابط دې په پام کې ونیولی شي.

۳ ـ د مقالو عبارات باید سلیس، ساده او  روان وي.

۴ ـ  منابع او سرچینې باید په معیاري ډول ولیکل شي.

۵ ـ د مقالو سافت، هارډ کاپی او د لیکوال دقیق شهرت د (۱۴۰۰) هجري لمریز کال د چنګاښ د میاشتې (۲۰) شلمې نیټې پوري د تدقیق او اسلامي علومو مطالعاتو ریاست په پته د راولیږدولی شي.

پته: د فیض محمد خان څلور لارې، شهر نو کابل افغانستان.

بریښنالیک: IslamicResearch@mohia.gov.af

په درناوي

 

دکتور امین الدین « مظفري»

د ارشاد، حج او اوقافو وزارت مسلکي معین

خبرتیاوې

شنبه ۱۴۰۰/۳/۲۲ - ۱۶:۴۴
Background image

د ارشاد حج او اوقافو خبرتیا

د ۱۴۰۰ هجري لمریز کال د حج مراسمو د نه ترسره کېدو په تړاو د ارشاد، حج او اوقافو وزارت اعلامیه! شنبه ۲۲غبرګولی ۱۴۰۰ درنو هېوادوالو! لکه څرنګه چې په جریان کې یاست، چې د کرونا ویروس درېیمه . . .

دوشنبه ۱۴۰۰/۲/۲۰ - ۹:۲۱
Background image

د علامه، محدث او امام ابن حبان بستي د علمي میراثونو تر سرلیک لاندي ملي سمپوزیم ترسره کولو په مناسبت د مقالو لیکلو غوښتنه

محترمو وروڼو او خویندو ته خبرتیا:

د ارشاد، حج او اوقافو وزارت په پام کې لري چې د هیواد علمي ځلانده ستوری علامه، محدث او امام ابن حبان بستي د درناوي او ویاړ په اړه یو ملي سمپوزیم د . . .

پنجشنبه ۱۴۰۰/۲/۹ - ۱۰:۲۱
Background image

د اهل سنت والجماعت علماوو له نظره د امام جعفر صادق رحمة الله علیه) د ملي سمپوزیم جوړېدو په مناسبت د مقاله لیکلو هرکلی

درنو هېوادوالو!

ټاکل شوې ده، چې د ارشاد، حج او اوقافو وزارت د اسلامي نړۍ د یو تن فقهې عالم د علمی مقام د احترام او درناوي په موخه یوه ملي سمپوزیم جوړ کړي.

په دې توګه د هېواد ټولو . . .

Back to announcements