د مــرسته شويو قرآنکريمونو د وېش لړۍ

bakhshi_admin
سه‌شنبه ۱۳۹۸/۱۱/۱ - ۱۳:۴۵
تفسیر

د ارشاد حــج، او اوقافو وزارت له لوري د دوست هــېواد سعودي عـــربستان د مــرسته شويو قرآنکريمونو د وېش لړۍ د جمهوري رياست د چارو ادارې او نورو اړونده ارګانونو په حضور کې نن د مرکز زون حاجيانو په ټولنځای (مجتمع) کې پیل شوه.

مجلس د شیخ القرأ استاد قاري برکت الله ”سلیم“ له لوري د قرآنکریم د څو مبارکو آیتونو په تلاوت سره پیل شو.

ورپسې د ارشاد، حج او اوقافو وزارت مالي او اداري معين استاد تاج محمد ”مجاهد“ مېلمنو ته د ښه راغلاست ترڅنګ د دوست هېواد سعودي عربستان له مرستې مننه وکړه او زياته یې کړه، چې سعودي عربستان له دې مخکې هم د جوماتونو او مدرسو د اعمار او همدا رنګه په سعودي عربستان کې افغان حاجيانو ته د سهولت رامنځته کولو په برخه کې ډېرې مرستې کړي، چې موږ ترې مننه او قدردانی کوو.

 ورپسې د جمهوري ریاست سلاکار سردار محمد ”ځدران“ د قرآن کریم په عظمت خبرې وکړې او له ټولو سهيمو ادارو څخه یې و غوښتل چې د قرآن کريم ساتنه په ښه ډول وکړي او په تلاوت کې یې ډېر کوښښ وشي.

ورپسې د پوهنې وزارت د اسلامي تعليماتو مرستیال محمد عارف ”ملکیار“ وینا وکړه او ويې ویل: ډېر خوښ یم چې په داسې یو مجلس کې حضور لرم، چې په هغه کې د قرآنکريمونه وېشل کېږي، او قرآن کریم زموږ د ژوند تر ټولو ارزښتمند او مهم کتاب دی.

نوموړي د ارشاد، حج او اوقافو وزارت له لوري ددې قرآنکریمونو د عادلانه وېش څخه مننه وکړه.
د جمهوري ریاست باصلاحیت استازي استاد امرالدین”فهیم“ هم په خپل وار سره خبرې وکړې او د دوست هېواد عربستان څخه یې ددې ډالۍ مننه وکړه.

په پای کې د ارشاد، حج او اوقافو وزارت د علمي مجمع ریس سید حجت الله ”نجیح“ د سعودي هېواد او جمهوري ریاست څخه مننه وکړه او ويې ويل: هغه سهمیه بندي چې د مؤظف کمیسیون له لوري شوې ده. د ارشاد، حج او اوقافو وزیر او د جمهور ریس له لوري تأید شوې چې د همدې سهمیه بندي پر اساس به قرآنکریمونه وېشل کېږي.

مجلس په افغانستان کې د تلپاتې سولې په دعأ پای ته ورسېده.

تازه خبرونه

سه‌شنبه ۱۳۹۹/۵/۱۴ - ۱۰:۳۹
Background image

د ارشاد حج او اوقافو وزارت د بیرغ ملي ورځ ولمانځله

نن سه شنبه د ۱۳۹۹لمریز کال زمري په ۷نیټه د ارشاد  حج او اوقافو وزارت د غونډو په تالار کې په دغه مناسبت غونډه کې د وزارت مسلکي معین ډاکټر امین الدین مظفري، د وزارت سلاکارانو، رئیسانو او. . .

چهارشنبه ۱۳۹۹/۵/۸ - ۱۰:۱۳
Background image

د ارشاد حج او اوقافو زیر مولوی عبدالحکیم منیب او د عامی روغتیا وزیر احمد جواد عثمانی لیدنه

کابل، افغانستان: د ارشاد، حج او اوقافو وزارت سرپرست، مولوي عبدالحکیم منیب او د عامې روغتیا وزارت سرپرست، احمد جواد عثماني، له خلکو څخه غوښتنه وکړه، چې د کرونا ویروس خپرېدو مخنیوي لپاره؛. . .

یکشنبه ۱۳۹۹/۴/۱۵ - ۱۲:۴۲
Background image

د حج پروسې د الکترونیکي کولو سیستم په پار غونډه جوړه وشوه.

د تېرو غونډو په دوام یو ځل بیا د ارشاد، حج او اوقافو وزارت د وزیر مولوي عبدالحکیم منیب، د وزارت مسلکي مرستيال دوکتور امین الدین مظفري، د وزارت رهبري هیأت، د فرضي حج او د مخابراتو وزارت. . .

BACK TO NEWS