نن له غرمې وروسته د ارشاد، حج او اوقافو وزیر شیخ الحدیث دوکتور نور محمد ثاقب له هغو شیوخو او علماء کرامو سره، چې د روان کال د حج په بهیر کې د حاجیانو ناظمیونو په توګه ګمارل شوي وو، وکتل.
![ملاقات با شیوخ](/sites/default/files/2022-07/292092704_140564531970495_4155065575380300629_n.jpg)
۵، ذوالحجه ۱۴۴۳هـ ق (۱۳ سرطان ۱۴۰۱ هـ ش)
په یاده غونډه کې د حج د شرعي مسايلو په تړاو خبرې وشوې او په دې غونډه کې د ناظمینو سربېره په مکه مکرمه کې د افغانستان د حج بعثې يو شمېر مسوولينو هم ګډون درلود.
شیخ الحدیث دوکتور نور محمد ثاقب د روان کال ددې بهیر له مسؤلینو څخه د قدردانۍ په ترڅ کې وویل، چې د حج بهیر د مسائلو او ستونزو د هواري په برخه کې د علماوو دریځ خورا مهم او ارزښتناک دی نو باید د حج مسایل باید حاجیانو لپاره په ساده او اسانه توګه توضیح او تشریح کړې شي. په ځانګړې توګه د قصر او جماعت د لمانځه په ادا کولو کې د حاجيانو لپاره د واحد نظر لارښوونه وشي. د قربانۍ مسايل هم د حاجيانو لپاره له مهمو موضوعاتو څخه ګڼل کېږي او په دې اړه علماء کرام له حاجيانو سره شرعي مسائل شریک کړﺉ.