د ارشاد، حج او اوقافو وزارت د اسلامي عرفان او دیني ځایونو د چارو تنظیم مرستیال د درې محرابه جوماتونو د رغونې د چارو څخه لیدنه وکړه.
۲۹ محرم الحرام ۱۴۴۵ هـ ق (۲۵ اسد ۱۴۰۲ هـ ش)
د ارشاد، حج او اوقافو وزارت د اسلامي عرفان او دیني ځایونو د چارو تنظیم مرستیال شیخ عزیز الرحمن منصور د هغو جوماتونو د کاري چارو څخه لیدنه وکړه، چې د امیرالمؤمنین حفظه الله د فرمان په اساس ددې وزارت د اوقافي بودیجې لخوا جوړېږي.
یاد جوماتونه د ټرانسپورټ او هوايي چلند وزارت کې، د سټنډرډ ملي ادارې (انسا) او د اټمي انرژۍ په ریاست کې جوړېږي.
په لومړي سر کې ښاغلي منصور د هغه جومات د رغونې د چارو څخه لیدنه کړه، چې د ټرانسپورټ او هوايي چلند وزارت په انګړ کې جوړېږي، چې د ددې جومات د رغونې چارې (۵۲) سلنه پرمخ تللي دي.
د يادونې وړ ده چې دغه جومات به د (۹٫۷۹۸٫۸۷۲) نهه ملیونه، اووه سوه اته نوي زره، اته سوه او دوه اویا افغانيو په لګښت په دوو پوړونو کې چې په يو وخت کې به د (۵۴۰) تنو لمونځ کوونکو ظرفیت ولری د ارشاد، حج او اوقافو وزارت له لوري په پاخه او اساسی ډول جوړیږي، چې د پنځو میاشتو په موده کې به ګټې اخیستنې ته وسپارل شي.
ورپسې د هغه جومات د رغونې د چارو څخه لیدنه وکړه، چې د سټنډرډ ملي ادارې (انسا) په انګړ کې جوړېږي، د یاد جومات د رغونې چارې لس سلنه پرمخ تللي دي او دغه جومات د (۷۷۹۸۰۰۰) اووه ملیونه، اووه سوه اته نوي زره افغانيو په لګښت په دوو پوړونو کې چې په يو وخت کې به د (۵۵۳) تنو لمونځ کوونکو ظرفیت ولری د ارشاد، حج او اوقافو وزارت له لوري په پاخه او اساسی ډول جوړیږي، چې د شپږو میاشتو په موده کې به ګټې اخیستنې ته وسپارل شي.
وروسته بیا نوموړي د اټمي انرژۍ ریاست کې چې کم جومات جوړېږي د رغونې د چارو څخه لیدنه وکړه، د یاد پنځه سلنه کارونه پرمخ تللي او دغه جومات د (۴۹۴۴۰۰۰) افغانیو په لګښت په پاخه او اساسي ډول جوړېږي.
