په هرات کې د انصاري د وروستیو څرګندونو په تړاو د ارشاد، حج او اوقافو وزارت اعلامیه

bakhshi_admin
Sun, Feb 21 2021 2:16 PM
ملا انصاری

د ارشاد، حج او اوقافو وزارت د انصاري وروستۍ څرګندونې په کلکه غندي او دا ډول غیر مسؤلانه او مغرضانه څرګندونې د ټولو اسلامي او شرعي اصولو سره په ټکر او د هېواد د نافذه قوانینو پر خلاف بولي.

په داسې حال کې، چې زموږ هېواد سولې، ورورګلوي او یووالي ته اړتیا لري او بې له شکه، چې په دغه برخه کې د علماوو رول تر هر چا زیات غښتلی دی.

دا چې د افغانستان سیاسي وضیعت په ډېر حساس پړاو کې قرار لري، دا ډول غیر مسؤلانه څرګندونې په هېواد کې د جګړې اور ته لمن وهل او د دښمنانو له لوري د جګړې بټۍ ګرمول دي، چې پایله يې هم دد ښمن په ګټه ده.

همدا ډول څرګندونې یوازې د بې ګناه انسانانو وژلو ته ادامه ورکول دی.

د ملا انصاري غیر مسؤلاته څرګندونې به بدبختانه په هېواد کې د بې ګناه انسانانو د وینې تويېدنې، مذهبي او فرهنګي مرکزونو، کورونو، سوداګریز او خدماتي فعالیتونو د ویجاړۍ سبب شي.

انصاري په داسې حال کې دا څرګندونې کوي، چې نړیوالو اسلامي هېوادونو او نړیوالو اسلامي سازمانونو لکه د سعودي عربستان د حرمینو علماوو، په فلسطين کې دقدس شريف امام او مفتي، د افغانستان علماوو، د هند د دیوبند علماوو، د بنګله دېش علماوو، د مصر د الازهر شریف علماوو، د ترکیې علماوو، د رابطه عالم اسلامي علماوو ، د انډونیزیا علماوو، د اسلامي نړۍ د مسلمانو علماوو د اتحادیې مشر او د نړۍ په کچه په لسګونو نورو مذهبي سازمانونو په افغانستان کې جګړه ورور وژنه بللې او دا یې د دیني ارشاداتو خلاف عمل یاد کړی.

د ارشاد، حج او اوقافو وزارت په داسې حال کې چې دا ډول مغرضانه څرګندونې غندي او د هېواد له عدلي او قضايي ارګانونو څخه په کلکه غوښتنه کوي، چې د دغه شخص د غیر مسؤلانه څرګندونو پر وړاندې، چې د ټولو اسلامي اصولو خلاف او د هېواد د ملي ګټو پر ضد څرګندونى کوى بېړنی او پر وخت اقدام وکړي او خپل عکس العمل وښیې.

د یادونې وړ ده، چې د انصاري جومات او مدرسه د هغو جوماتونو او مدارسو له جملې څخه دي، چې له دې وزارت سره ثبت اوراجستر نه دي

Latest news

Mon, Jun 27 2016 3:31 PM
Background image

Signing memorandum of cooperation between Ministry of Hajj, and Religious Affairs and the Ministry of Education

Memorandum on removing illiteracy between ministry of Hajj and religious Affairs and ministry education was signedby Excellency Faiz Mohammad Osmani Minister of Hajj and Religious. . .

Sun, Jun 05 2016 10:32 AM
Background image

The first registration and organization center of hajj affairs (Integrated pilgrims central zone) in Kabul, inaugurates

The first Hajj Operation registration center(integrated pilgrims central zone) was inaugurated in a special ceremony in the presence of His Excellency Chief Executive of the Islamic. . .

Sat, Jun 04 2016 3:26 PM
Background image

Distributionof mosques prayer carpetbegin, in cooperation with the Embassy of Saudi Arabia in Afghanistan

Distribution of 190000 meter prayer carpet which cost two million dollars, for mosques of center and provinces in the country from the aids of friend and brother country SaudiArabia. . .

BACK TO NEWS