د هېواد دیني عالمانو ته د کویډ - ۱۹ واکسین تطبیق شو.

bakhshi_admin
Thu, Apr 29 2021 10:16 AM
واکسین کرونا

سې شنبه ۱۴۰۰/۲/۷

 د ارشاد، حج او اوقافو وزارت او عامې روغتیا وزارت په ګډه همکارۍ د هېواد دیني عالمانو ته د رسنیو په حضور کې د کووید ۱۹ واکسین تطبیق شو.

په دغه پروګرام کې د ارشاد حج او اوقافو وزیر محمد قاسم حلیمي، د عامې روغتیا وزارت سرپرست ډاګټر وحید مجروح، د دواړو وزارتونو مرستیالانو، دیني عالمانو او روغتیا پالانو ګډون کړی و.

په پیل کې د عامې روغتیا سرپرست ډاکټر وحید مجروح د ارشاد، حج او اوقافو وزارت څخه مننه وکړه، چې تل یې د مرضونو او ویروسونو پر وړاندې په مبارزه کې د عامې روغتیا وزارت سره همکاري کړې.

نوموړي د کرونا ویروس د درېیمې څپې په اړه هم هېوادوالو ته معلومات وړاندې کړل او دا ویروس یې د کرونا د تېرو دوو څپو څخه خطرناک یاد کړ.

نوموړي وویل، چې کوچنی اختر په را نږدې کېدو دی، که هېوادوال روغتیایي لارښوونو ته پاملرنه ونه کړي، لرې نه ده، چې ډېرې سختې ورځې په مخ کې ولرو.

هغه وویل وقایه دیني او روغتیایي لارښوونه ده او هیوداوالو ته په کار دی چې روغتیایي لارښوونې جدي عملي کړي.

ورپسې د ارشاد، حج او اوقافو د هېواد د دیني عالمانو په استازیتوب له ټولو هیوادوالو غوښتنه وکړه، چې روغتیایي لارښوونو ته جدي پاملرنه وکړي او د ځان په خوندي ساتلو کې هڅه وکړي.

نوموړي زیاته کړه: مونږ هغه وخت د دې وژونکي ویروس خلاف له عامې روغتیا وزارت سره څنګ په څنګ ودرېدو چې په هېواد کې هیڅ مثبته پېښه نه وه ثبت شوې.

ښاغلي حلیمي وویل: د هیواد دیني عالمانو د کرونا ویروس په اړه هم واضح او هر اړخیزه فتوا چمتو او صادره کړه، چې د جوماتونو د منبر او رسنیو له لارې ټولو هېوادوالو ته ورسېده.

ښاغلى حلیمي په ټولو هېوادوالو غږ وکړ، چې په خپلو ډاکټرانو باور وکړي او ددوی لارښوونې عملي کړي.

د پروګرام په پای کې د ارشاد، حج او اوقافو وزير، د وزارت رهبري هیئت او دیني عالمانو ته د کویډ- ۱۹ واکسین تطبیق شو.

Latest news

Mon, Jun 27 2016 3:31 PM
Background image

Signing memorandum of cooperation between Ministry of Hajj, and Religious Affairs and the Ministry of Education

Memorandum on removing illiteracy between ministry of Hajj and religious Affairs and ministry education was signedby Excellency Faiz Mohammad Osmani Minister of Hajj and Religious. . .

Sun, Jun 05 2016 10:32 AM
Background image

The first registration and organization center of hajj affairs (Integrated pilgrims central zone) in Kabul, inaugurates

The first Hajj Operation registration center(integrated pilgrims central zone) was inaugurated in a special ceremony in the presence of His Excellency Chief Executive of the Islamic. . .

Sat, Jun 04 2016 3:26 PM
Background image

Distributionof mosques prayer carpetbegin, in cooperation with the Embassy of Saudi Arabia in Afghanistan

Distribution of 190000 meter prayer carpet which cost two million dollars, for mosques of center and provinces in the country from the aids of friend and brother country SaudiArabia. . .

BACK TO NEWS