د ارشاد او جوماتونو چارو د انسجام عمومي رياست کاري ناسته ترسره کړه.
يکشنبه ١٧-ربيع الاول -١٤٤٣/ ٢- لړم ١٤٠٠.
نن د ارشاد، حج او اوقافو وزارت د ارشاد او جوماتونو چارو د انسجام عمومي رياست په انګړ کې کاري ناسته ترسره شوه.
دغه ناسته د قرآن عظيم الشان د څو مبارکو آیتونو په تلاوت سره پيل شوه.
ورپسې د ا.ا.ا د ارشاد، حج او اوقافو وزارت د ارشاد او جوماتونو چارو د انسجام عمومي رٸيس مولوي محمد حامد "حسيب" خبرې وکړي.
نوموړي د ياد رياست له ټولوکارکونکو څخه مننه او قدرداني وکړه، چي شپه او ورځ يى په پوره ايمانداري او صداقت سره د الله تعالی مشاعرو، خپل هېواد او هېوادوالو ته خدمت کوي.
ښاغلي حسیب د کابل ښار د ۲۲ ناحیو اړوند مدیرانو او دولاياتو مدير ته سپارښتنه وکړه، چې له دې وروسته دې د ټولو جوماتونو دارشاد او دعوت فعاليتونه، دجمعي خطبي تطبيق له نږدي وڅارل شي او تر څنګ دي دپرسونل له شتون، له پاکوالي، د برښنا لګښت او د اوبو نل له لګښت څخه پوره څارنه وکړي او هڅه دې وکړي، چې د جمعې ورځې خطبه ټولو جوماتونو دمرکز او ولاياتو ته دي ورسېږي.
دټولو کارکونکو په استازيتوب دياد رياست دجوماتونو چارو آمر مولوي اسرارالحق "عرب" دياد رياست دستونزو په اړه خبري اوکړي او ژمنه ٸي وکړه چي خپلي دندي به په پوره صداقت او استقامت سره پرمخ وړي.
په آخر کي ښاغلي "حسيب" دياد رياست ټولو کارکونکو ته دهر ډول همکاري ډاډ ورکړ.
ناسته په هيواد کي دپرمختګ او سوکالي په دعاء پاي ته ورسيده.
