له هېواد څخه حرمینو شریفینو ته د عمرې اداکولو د تګ لړۍ پیل شوه.

bakhshi_admin
Mon, Sep 19 2022 12:19 PM
عمره

د ارشاد، حج او اوقافو وزارت تر څارنې لاندې د شمشاد او سلطان مدینې سیاحتي شرکتونو له خوا د عمرې د ادا کولو لپاره د حاجیانو لومړی کاروان نن د کابل له نړیوال هوايي ډګر څخه د حرمینو شریفینو په لور روان شو.

په همدې تړاو نن د کابل هوایي ډګر کې غونډه جوړه شوې وه، چې په کې د ارشاد، حج او اوقافو وزارت مالي او اداري مرستیال مولوي عارف الله عارف، د دغه وزارت یو شمېر رئیسانو، د یادو سیاحتي شرکتونو مسوولینو او  ۸۵ تنو معتمرینو ګډون درلود.

په دغه غونډه کې د حج او اوقافو وزارت مالي او ادارې مرستیال د عمرې د فضيلت په اړه د خبرو پر مهال له څو کلونو ځنډ وروسته د عمرې د پروګرام په بيا پيلېدو خوښي څرګنده کړه او زياته يې کړه، چې يادو شرکتونو له سعودي عربستان څخه د جواز اخیستلو وروسته وتوانیدل ترڅو خپل هیوادوال د عمرې په مقصد سپیڅلو زیارتونو ته واستوي.

ښاغلي عارف همدا راز زیاته کړه، دغه وزارت هڅه کړې، چې هغو وړ شرکتونو ته جواز ورکړي، چې د سفر پر مهال حاجیانو ته غوره خدمات وړاندې کوي.

ورپسې د عمرې اداکولو د اتحادیې رئیس حسنیار حسن زی منګل، افغانستان د متشبثینو د بورد مرستیال کاشف علي خیل، د معتمرینو په استازيتوب  ضیاء الله حیدري، د کابل هوایي ډګر په استازیتوب مفتي طارق خبرې وکړې. .

حسن زی منګل د خپلو خبرو په یوه برخه کې د ارشاد، حج او اوقافو وزارت له هلو ځلو او هر اړخیزې همکارۍ څخه مننه وکړه، چې د عمرې زیارت کوونکو د لېږلو په پروګرام کې یې ورسره همکاري کړې ده.

د غونډې په پای کې د دغه وزارت د مالي او اداري مرستیال له خوا معتمرینو ته د سفر اسنادونه ورکړل شول.

Payam-e-Haq MagazineShow more

Latest news

Mon, Jun 27 2016 3:31 PM
Background image

Signing memorandum of cooperation between Ministry of Hajj, and Religious Affairs and the Ministry of Education

Memorandum on removing illiteracy between ministry of Hajj and religious Affairs and ministry education was signedby Excellency Faiz Mohammad Osmani Minister of Hajj and Religious. . .

Sun, Jun 05 2016 10:32 AM
Background image

The first registration and organization center of hajj affairs (Integrated pilgrims central zone) in Kabul, inaugurates

The first Hajj Operation registration center(integrated pilgrims central zone) was inaugurated in a special ceremony in the presence of His Excellency Chief Executive of the Islamic. . .

Sat, Jun 04 2016 3:26 PM
Background image

Distributionof mosques prayer carpetbegin, in cooperation with the Embassy of Saudi Arabia in Afghanistan

Distribution of 190000 meter prayer carpet which cost two million dollars, for mosques of center and provinces in the country from the aids of friend and brother country SaudiArabia. . .

BACK TO NEWS