له هېواد څخه حرمینو شریفینو ته د عمرې اداکولو د تګ لړۍ پیل شوه.

bakhshi_admin
دوشنبه ۱۴۰۱/۶/۲۸ - ۱۲:۱۹
عمره

د ارشاد، حج او اوقافو وزارت تر څارنې لاندې د شمشاد او سلطان مدینې سیاحتي شرکتونو له خوا د عمرې د ادا کولو لپاره د حاجیانو لومړی کاروان نن د کابل له نړیوال هوايي ډګر څخه د حرمینو شریفینو په لور روان شو.

په همدې تړاو نن د کابل هوایي ډګر کې غونډه جوړه شوې وه، چې په کې د ارشاد، حج او اوقافو وزارت مالي او اداري مرستیال مولوي عارف الله عارف، د دغه وزارت یو شمېر رئیسانو، د یادو سیاحتي شرکتونو مسوولینو او  ۸۵ تنو معتمرینو ګډون درلود.

په دغه غونډه کې د حج او اوقافو وزارت مالي او ادارې مرستیال د عمرې د فضيلت په اړه د خبرو پر مهال له څو کلونو ځنډ وروسته د عمرې د پروګرام په بيا پيلېدو خوښي څرګنده کړه او زياته يې کړه، چې يادو شرکتونو له سعودي عربستان څخه د جواز اخیستلو وروسته وتوانیدل ترڅو خپل هیوادوال د عمرې په مقصد سپیڅلو زیارتونو ته واستوي.

ښاغلي عارف همدا راز زیاته کړه، دغه وزارت هڅه کړې، چې هغو وړ شرکتونو ته جواز ورکړي، چې د سفر پر مهال حاجیانو ته غوره خدمات وړاندې کوي.

ورپسې د عمرې اداکولو د اتحادیې رئیس حسنیار حسن زی منګل، افغانستان د متشبثینو د بورد مرستیال کاشف علي خیل، د معتمرینو په استازيتوب  ضیاء الله حیدري، د کابل هوایي ډګر په استازیتوب مفتي طارق خبرې وکړې. .

حسن زی منګل د خپلو خبرو په یوه برخه کې د ارشاد، حج او اوقافو وزارت له هلو ځلو او هر اړخیزې همکارۍ څخه مننه وکړه، چې د عمرې زیارت کوونکو د لېږلو په پروګرام کې یې ورسره همکاري کړې ده.

د غونډې په پای کې د دغه وزارت د مالي او اداري مرستیال له خوا معتمرینو ته د سفر اسنادونه ورکړل شول.

تازه خبرونه

یکشنبه ۱۴۰۱/۷/۱۰ - ۹:۱۷
Background image

په کابل کې د جوماتونو امامانو خالي بستونو لپاره د ازادي سیالۍ له لارې ازموینه واخیستل شوه.

شنبه۵ ربیع‌الأول۱۴۴۴ ه‍ ق (٩ میزان ۱۴۰۱ ه‍ ش)

د ارشاد، حج او اوقافو وزارت د کابل ښار د جوماتونو امامانو د خالي بستونو لپاره د ازادي سیالۍ له لاري ازموینه پیل کړه او نن له غرمې مخکې. . .

دوشنبه ۱۴۰۱/۶/۲۸ - ۱۲:۱۹
Background image

له هېواد څخه حرمینو شریفینو ته د عمرې اداکولو د تګ لړۍ پیل شوه.

د ارشاد، حج او اوقافو وزارت تر څارنې لاندې د شمشاد او سلطان مدینې سیاحتي شرکتونو له خوا د عمرې د ادا کولو لپاره د حاجیانو لومړی کاروان نن د کابل له نړیوال هوايي ډګر څخه د حرمینو شریفینو. . .

سه‌شنبه ۱۴۰۱/۶/۲۲ - ۱۲:۹
Background image

د ۱۴۰۱ هجري لمریز کال حاجیانو ته د حج لګښتونو څخه د پاتې پیسو د ورکړې بهېر عملا پيل شو.

د روان ۱۴۴۳ کال حاجیانو ته د لګښتونو څخه د پاتې پیسو د ورکړې بهېر نن عملا په کابل او ولایتونو کې پيل شو.

د کابل ښار مرکزي زون د حاجیانو مجتمع څخه زموږ د خبریال د معلوماتو له مخې چې. . .

BACK TO NEWS