د ارشاد حج او اوقافو وزارت او یو شمیر دینی او تعلیمی موسسو ترمنخ د همکاری تفاهم لاسلیک شو
د ارشاد، حج او اوقافو وزارت او یو شمېر دیني (تعلیمي) موسسو ترمنځ د همکارۍ تفاهم لیک لاسلیک شو.
پنجشنبه، ۶ رمضانالمبارک، ۱۴۴۳ه.ق. - ۱۸ وری، ۱۴۰۰ ه.ش. د ارشاد، حج او اوقافو وزارت او د اوو تحصیلي موسسو چې نومونه یې لاندې ذکر شوي دي ترمنځ د همکارۍ تفاهم لاسلیک شو. ۱. د فلاح تعلیمي موسسه ۲. د ختیځ فلا تعلیمي موسسه ۳. د توناهان تعلیمي موسسه ۴. د هدایت تعلیمي موسسه ۵. د جامي تعلیمي موسسه ۶. د غورځنګ تعلیمي اداره ۷. د فضیلت تعلیمي موسسه دغه یادي موسسي د هېواد په لویه کچه تعلیمي خدمات وړاندې کوي، د دغه وزارت په مقام کې یاد تفاهم لاسلیک شو. په دې غونډه کې ددې وزارت د ریاست دفتر رئیس نظرالله بیان، د دیني تعلیماتو او تدریب ائمه رئیس قاري محمد اشرف او د لوړو زده کړو موسسو مسوولینو ګډون درلود. د ديني علومو د ښوونې او روزنې او تدریب ائمه رئیس د خبرو په ترڅ کې د دغه وزارت د اړوندو ښوونځيو د علمي ظرفيتونو د ودې او پراختيا په لاره کې د دغو تفاهم ليکونو لاسليکول مهم وبلل. هغه زیاته کړه، موږ له ټولو اړوندو ښوونځیو سره همکاري کوو او هڅه کوو چې دوی ته د زده کړو ښه شرایط برابر کړو. نوموړي د ديني علومو د پراختيا او د ديني علومو د پرمختګ په موخه د هغو موسسو ملاتړ چې دغه وزارت ته خدمات وړاندې کوي، يوه بيړنۍ اړتيا وګڼله. د غونډې په پای کې د دواړو خواوو ترمنځ د تفاهم اووه تفاهم لیکونه لاسلیک شول.
