د ارشاد، حج او اوقافو وزارت خبرتیا!
د قرآن کریم د حفظ او تجوید ملي سیالیو دیارلسم پړاو او د قرآن کریم حُسن قراءت سیالیو لومړی پړاو د هېواد د (۳۴) ولایتونو په ګډون، د قرآن کریم نړیوالو سیالیو ته د ممتازو قاریانو د ورپېژندلو او تشخیص په موخه دغه وزارت له دې وړاندې په ټولو ولایاتو کې هم د قرآن کریم سیالۍ ترسره کړې وې، چې په پایله کې له هر ولایت څخه یو - یو تکړه (ممتاز) قاري په وروستۍ سیالۍ کې د ګډون لپاره مرکز ته ور وپیژندل شو.
د مرکز او کابل ښار د ۲۲ ناحیو ټولو علاقمندانو او شایقینو ته خبر ورکول کېږي، چې هغه کسان چې د قرآن کریم بشپړ حافظ وي، د تجوید له اصولو سره بلد وي او د قرآن کریم د حسن قراءت باندې بشپړ مهارت ولري او د دوی عمر د روان کال تر پایه پورې؛ د حفظِ کُل مع التجوید او د حسن قراءت په برخو کې له (۱۴) کلونو څخه کم او له (۳۰) کلونو څخه زیات نه وي خبر ورکول کېږي، د سهشنبې په ورځ، د ۱۴۰۴ هـ ش کال د قوس میاشتې ۱۱مې نېټې څخه د قوس تر ۱۳مې نېټې پورې، د سهار له ۸:۳۰ بجو څخه تر ماسپښین ۳:۰۰ بجو پورې د خپلې تذکري (پېژندپاڼې) په درلودلو سره د یادې سیالۍ په لومړي پړاو کې د نوم لیکنې او ګډون لپاره د قاریانو چارو مرکزي ریاست ته مراجعه وکړئ.
ځای: د رقاریانو چارو ریاست، د عصمت مسلم کوڅه نوی ښار، کابل : افغانستان
د اړیکې شمېره: (0764731420)
