د ارشاد، حج او اوقافو وزارت سرپرست د هېواد د گونگیانو انجمن له غړو سره ولیدل
پنجشنبه د وږي میاشتې ۱۳مه نېټه
د ارشاد، حج او اوقافو وزیر محمد قاسم حلیمي د ګونګیانو انجمن له غړو سره په خپل کاري دفتر کې ولیدل.
په دغه کتنه کې د ګونګیانو انجمن یو شمېر استازو د ارشاد، حج او اوقافو وزیر سره خپلې ستونزې شریکې کړې اوله ګونګیانوسره یې د زده کړو په بهیر کې يې د مرستو غوښتنه وکړه.
د ګونکیانو انجمن غړو غوښتنه وکړه، چې د اسلامي تعلیماتو او دیني زده کړو په برخه کې ورته سهولتونه او اسانتیاوې برابرې کړي. دوی همدارنګه د ارشاد، حج او اوقافو وزارت څخه غوښتنه وکړه، چې د استادانو دزیاتوالي او روزلو په برخه کې ځانګړې پاملرنه وکړي.
په همدې حال کې د ارشاد، حج او اوقافو وزیرد ګونګیانو ستونزې واورېدې او دوی سره یې د استادانو د روزلو په برخه کې ژمنه وکړه. ښاغلي حلیمي په علمي برخه د ګونګیانو پیاوړي کول او روزل پانګه وبلله او دزده کړې لپاره یې د دوی د لاسنیوي او هر ډول ژمنې ډا ډ ورکړ.
