د ارشاد، حج او اوقافو وزیر د افغانستان لپاره د ملګرو ملتونو د پرمختیایي پروګرامونو له استازي سره خبرې وکړې.

bakhshi_admin
سه‌شنبه ۱۳۹۹/۱۱/۲۸ - ۱۴:۴۷
نماینده ملل متحد

شنبه ٢٥ سلواغې ١٣٩٩

کابل: نن د ارشاد، حج  او اوقافو وزیر محمد قاسم حلیمي د افغانستان لپاره د ملګرو ملتونو د پرمختیایي پروګرامونو له استازي ښاغلي عبدالله الدردري سره ولیدل.

په دغه لېدنه کې د وزارت د پالیسۍ او پلان معین انجینر محمد عثمان طارق هم حضور درلود.

په پیل کې د ارشاد، حج او اوقافو وزیر محمد قاسم حلیمي د دې وزارت له لوري د راتلونکو پروګرامونو لکه: دارالافتاء او عامه پوهاوي په برخه کې د اړیکو مرکز جوړولو، په جوماتونو کې د ښوونې او روزني د یو منظم تعلیمي سیستم رامنځته کولو، د زندانیانو لپاره د ښوونیز او روزنیز سیستم رامنځته کولو، د حج پروسې د معلوماتو خوندي کولو سیستم او  د اوقافو په برخه کې د یو منظم عایداتي سیستم د رامنځته کولو په اړه خبرې وکړې.

ورپسې د افغانستان لپاره د ملګرو ملتونو د پرمختیایي پروګرامونو استازي ښاغلي عبدالله الدردري د یادو پروګرامونو په اورېدو خوښي وښوده او ژمنه یې وکړه، چې د ملګرو ملتونو پرمختیایي اداره به د نافذه قوانینو په چوکاټ کې خپلو امکاناتو ته په کتو د ارشاد، حج او لوقافو وزارت سره د هر ډول تخنیکي او مادي مرستو په برخه کې همکاري وکړي.

تازه خبرونه

سه‌شنبه ۱۴۰۴/۴/۱۰ - ۹:۲۳
Background image

له مکې مکرمې څخه د افغان حاجیانو وروستۍ پرواز نن هېواد ته ترسره شو

دوشنبه ۴محرم الحرام ۱۴۴۷ هـ ق مطابق ۹ سرطان ۱۴۰۴ هـ ش

مکه مکرمه – هغه افغان حاجیان چې د هېواد له څلورو پروازي زونونو څخه سعودي عربستان ته لېږدول شوي وو، د حج فریضې تر اداء کولو وروسته. . .

سه‌شنبه ۱۴۰۴/۴/۳ - ۲۲:۴
Background image

د ارشاد،حج او اوقافو وزارت له لوري دچارو ادارې لوی ریاست په انګړ کې د یو محراب جامع جومات دجوړیدو بنسټ ډبره کېښودل شوه

۲۷ ذوالحجة ۱۴۴۶هـ ق،مطابق ۴ سرطان۱۴۰۴ هـ ش

د افغانستان د اسلامي امارت د امیرالمؤمنین حفظه‌ الله د حکم پر بنسټ د ارشاد،حج او اوقافو وزارت له  انکشافي بودیجې څخه د چارو ادارې لوی ریاست. . .

سه‌شنبه ۱۴۰۴/۴/۳ - ۹:۲۵
Background image

د ارشاد،حج او اوقافو وزارت مرستیال په کابل کې دترکیې هېواد له دیني علماوو سره وکتل

۲۶ذوالحجة ۱۴۴۶هـ ق مطابق۲/۴/۱۴۰۴هـ ش

د ارشاد، حج او اوقافو وزارت د عرفان او دیني ځایونو د چارو د تنظیم مرستیال شیخ مولوي عزیزالرحمن منصور د ترکیې هېواد د مدارسو او دیني علماوو د. . .

BACK TO NEWS