د ارشاد، حج او اوقافو وزیر د تلبغیانو په کلنۍ اجتماع کې ګډون وکړ.

د ارشاد، حج او اوقافو وزیر محمد قاسم حلیمي د کابل ښار په یوویشتمه ناحیه د ملا تره خېل په مدرسه کې د تبلیغیانو له لوري په جوړه شوې کلنۍ اجتماع کې د ارشاد، حج اواوقافو وزارت او د افغانستان اسلامي جمهوری دولت په استازیتوب ګډون وکړ.
په دغه غونډه کې چې شاوخوا ٢٥زره تنه دیني عالمانو، تبلیغیانو، قومي مشرانو او ځوانانو ګډون کړی و، د ارشاد، حج او اوقافو وزیراصالتاً له خپله اړخه او وکالتاً د ولسمشر جلالت مآب محمد اشرف غني لخوا دوی ته هر کلی وویل او په هېواد کې د اسلامي هویت، اعتدال او د اسلامي دعوت په لارو چارو وینا وکړه.
د غونډې په پای کې ښاغلي حلیمي علماوو ته د ارشاد، حج او اوقافو وزارت په استازیتوب د هر ډول مرستې ډاډ ورکړ.
دغه راز ګډونوالو د مازدیګر لمونځ د ارشاد، حج او اوقافو وزیر محمد قاسم حلیمي په امامت ادأ کړ