د مدینې منورې هوايي ډګر ته د افغان حاجیانو لومړۍ ډله را رسیده.
۱ ذوالقعدا ۱۴۴۴ هـ ق (۳۱ ثور ۱۴۰۲ هـ ش)
له سعودي عربستان څخه راپورونه وايي، چې د دغه هېواد حاجیانو لومړۍ ډله په ځايي وخت سره سهار ۷:۳۰ بجې د كابل له هوايي ډګر څخه د مدينې منورې د امير محمد بن عبدالعزيز الدولي هوايي ډګر ته ورسېده.
وروسته له هغه چې د کابل په هوايي ډګر کې حاجیانو ته د اسلامي امارت لوړ پوړو غړو الوداع وکړه او په ټولیز ډول (۳۴۵) تنه حاجیان او د حج بعثې غړي سعودي عربستان ته ولیږدول شوه چې د مدینې منورې په هوايي ډګر کې د یادي بعثې اعضاوو او د هوايي ډګر د مسؤلینو له لوري تود هرکلی وشو.
دغه حاجیان چې مدینې منورې ته رسېدلی، دوی د ایربس طیارو له مسؤلینو د خدماتو او اسانتیاوو چمتو کولو او خوندي ټرانسپورټ څخه خوښي څرګنده کړه.
وروسته بیا حاجیان د هوایی ډګر څخه په ګروپوار ډول د بسونو له لارې خپلو ودانیو (عمارو) ته ولیږدول شو، چې مخکې د مدینې منورې د تسکین کمېټي لخوا ترتیب شوي وي.
د يادونې وړ ده، چې له لومړۍ الوتنې وروسته به له کابل څخه سعودي عربستان ته د حاجيانو نورې الوتنې په ترتيب سره ترسره شي.
