د چین د خلکو جمهوریت ته د وزیر سفر
د افغانستان د ارشاد، حج او اوقافو وزیر مولوي عبدالحکیم ”منیب“ او له هغه سره مل پلاوي چې د چين هيواد ته يى سفر درلود د چین جمهوریت د مذهبي چارو وزیر ښاغلي وانګ ”ځوون“ او د چین د اسلامي اتحاديې مرستیال جاین ”روبین“ سره د افغانستان د سولې او مذهبي اړیکو په پار په بیجنګ ښار کې لیدنه وکړه.
په دغه کتنه کې وانګ ”ځوون“ ښاغلي مولوي عبدالحکیم ”منیب“ او ورسره پلاوي ته د ښه راغلاست ترڅنګ وویل: افغانستان او چین دواړه ګاونډي هیوادونه دي او ستاسو راتګ د دواړو هېوادونو په روابطو مثبته اغېزه کولای شي.
ورپسې دافغانستان د ارشاد، حج او اوقافو وزیر مولوي عبدالحکیم ”منیب“ د دوی له تود هرکلي مننه وکړه، او زیاته یې کړه:
ستاسو مېلمه پالنه ستاسو ښه نیت ثابتوي موږ اوتاسو ګډ مشترکات لرو او په ګډه کولای شو چې کار ورته وکړو موږ تاسو ته تمه لرو چې زموږ ضروري لومړيتوبونه چې سوله یې په سرکې ځای لري له موږ سره یې د تحقق لپاره کار وکړۍ او تاسو کولای شئ چې په یاده برخه کې ښه رول ولوبوﺉ.