د مدینې منورې په ودانیو (عمارو) کې د افغان حاجیانو د تسکین لړی دوام لري.
۶ ذوالقعدا ۱۴۴۴ هـ ق (۵ جوزا ۱۴۰۲ هـ ش) هغه حاجیان چې له هیواد څخه مدینې منورې ته انتقاليږي د نبوي جومات ته نږدې په عمارو کې ځای پر ځای کیږي. د ۱۴۴۴ هجري قمري کال د ذوالقعدې له لومړۍ نیټې څخه د ذوالقعدې تر پنځمې نیټې پورې (۵) زرو څخه زیات افغان حاجیان د مرکزي زون او د بلخ له زون څخه د (۱۵) الوتنو په ترڅ کې د مدینې منورې ته له خیره سره رسیدلي دي. په مدینه منوره کې د حج بعثې د تسکین کمېټي له لوري ( طیبة المدینه، الفخامة الذهبی، ندی الزوار ۱، ندی الزوار ۲، جوار المدینه، سلسبیل الذهبی، طابة السلام، العقیق، ارائک الطیبه) عمارو کې افغان حاجیان تسکین شول. پورته يادې شوې عمارې د نبوي جومات ته نږدې دي او د استوګنې ټولی اسانتياوې لري
