د ارشاد، حج او اوقافو وزیر او ورسره پلاوي ازبکستان هېواد ته د خپل سفر په ترڅ کې د بخارا ښار له مسؤلینو سره د کتنې ترڅنګ د دغه ښار له اسلامي مرکزونو او مدرسو څخه لیدنه وکړه.
دوشنبه ٩ رمضان المبارک ۱۴۴۵ هـ ق (٢٩ حوت ۱۴۰۲ هـ ل)
د ارشاد، حج او اوقافو محترم وزیر شیخ الحدیث سرمحقق دوکتور مولوي نورمحمد ثاقب ازبکستان هېواد ته د خپل سفر په ترڅ کې د بخارا ښار ته ورسېد، چې ددې ښار د والي، حکومتي مسؤلینو او د یاد ولایت د علماوو له لوري یې تود هرکلی وشو.
په دغه کتنه کې د ازبکستان هېواد د بخارا ښار له مسؤلینو سره د افغانستان د اسلامي امارت د دوه اړخیزو اړیکو په ځانګړې ډول د ارشاد، حج او اوقافو په برخه کې د دواړو هېوادونو د علماوو ترمنځ د هر اړخیزه اړیکو، همکاریو، له یو بل سره د اوقافو په برخه کې د نظرونو شریکولو او په مدرسو کې د تدریس د کیفیت د ښه والي په تړاو خبرې وشوې.
تر لیدنو وروسته د ارشاد، حج او اوقافو وزیر او ورسره مل پلاوي یې د مرحوم میر عرب اړوند عالي مدرسې، ټولګیو، جومات او د نوموړي د مقبرې، د جویبار کلان مدرسې، د حضرت امام ابو حفص کبیر رحمة الله د مقبرې، د حضرت سید امیر کُلال د مقبرې او د حضرت امام خواجه بهاءالدین نقشبندي له مقبرې او جومات څخه لیدنه وکړه.
