د ارشاد حج او اوقافو وزارت خبرتیا
د ارشاد، حج او اوقافو وزارت په پام کې لري، چې د ۱۴۴۶هـ ق مطابق ۱۴۰۴ هـ ش کال د حج لپاره د نوې نوم لیکنې بهیر پیل کړي.
په همدې موخه د هېواد په مرکز او ولایاتو کې ټولو هغو اشخاصو ته چې د حج د فریضې د اداء کولو اراده لري، خبر ورکول کیږي چې د روان ۱۴۴۶هـ ق کال د حج د نوې نوم لیکنې لپاره د شنبې له ورځې ۱۷/رجب المرجب/۱۴۴۶ هـ ق مطابق ۲۹/جدې/۱۴۰۳هـ ش، څخه تر دوشنبې د ۲۷/رجب المرجب/۱۴۴۶هـ ق مطابق ۸/دلو/۱۴۰۳هـ ش نیټې پورې، په مرکز (ناحیو )کې د زړو مکروریانو، ملي بس څلورلارې د مرنجان تپې ته څېرمه د حاجیانو مجتمع ته او په ولایاتو کې د ارشاد، حج او اوقافو ریاستونو ته د تذکرې له اصل او کاپې او همدارنګه دوو قطعو اوسنیو عکسونو سره چې اندازه یې (۳X۴)وي، تشریف راوړي او خپله نوم لیکنه وکړي.
یادونه: دا چې زمونږ لوی شمېر هېوادوالو څو کاله مخکې نوم ليکنه کړې او د حج فریضې اداء کولو ته منتظر دي ، بناءً هغه کسان چې فرضي حج یې اداء کړی ، د سږکال د نفلې حج د اداء کولو په موخه په نوې نوم ليکنه کې د ګډون کولو ګنجایش نشته او د مراجعه کولو څخه دې ډډه وکړي.
