د ارشاد، حج او اوقافو وزارت مسلکي مرستیال د قرآن عظیم الشان د ترجمو او تفسیر دورو د څارنې او ارزونې په تړاو بامیانو ولایت ته ولاړ.

۲۹ شعبان المعظم ۱۴۴۵ هـ ق (۲۰ حوت ۱۴۰۲ هـ ش)

د افغانستان اسلامي د ارشاد، حج او اوقافو محترم وزیر شیح الحدیث سرمحقق دکتور مولوي نور محمد ثاقب د هدایت په اساس ددې وزارت مسلکي معین شیخ الحدیث زرمحمد حقاني او ورسره مل پلاوي بامیانو ولایت ته د خپل سفر په ترڅ کې له هغو نظامي مرکزونو څخه لیدنه وکړه، چې د دغه وزارت له لوري په کې د قرآن کریم د تفسیر او ترجمې دورې ترسره کېږي.

د دغو ترجمو د لیدنې په ترڅ کې د ارشاد، حج او اوقافو وزارت مسلکي معین وویل: د اسلامي امارت د راتگ څخه وروسته دا دریم ځل دی چې د شعبان او رمضان میاشتو کې د هېواد په سطح په ټولو لویو نظامي مرکزونو او په ملي راډیو تلویزیو کې د ترجمې او تفسیر دورې تر سره کېږي.

نوموړي مجاهدینو ته د حاضري پابندي او د درسونو یادولو توصیه وکړه او د تفسیر دورو شیوخو ته یې سپارښتنه وکړه، چې د اسلامي نظام د بقا لپاره کار وکړئ او د اسلامي نظامي خوبیانو بیان کړئ.

د یادو نظامي مرکزونو مسؤلین او مجاهدینو د ارشاد، حج او اوقافو وزارت له مسؤلینو څخه مننه کوو، چې مجاهدینو لپاره یې د قرآن کریم تفسیر او ترجمې دورو زمینه برابره کړې ده.

دوی زیاته وي، چې د افغانستان اسلامي امارت او د ارشاد، حج او اوقافو وزارت له منسوبینو څخه هیله کوو، چې دا رنگه د دورو او ارشادي برنامو زمینه په راتلونکې کې هم مجاهدینو ته برابره کړي