د ارشاد، حج او اوقافو وزیر د شهیدانو او معلولینو په چارو کې د دولت له وزیر سره وکتل.

bakhshi_admin
Wed, Jan 13 2021 9:07 AM
وزیر دولت در امور شهدا

کابل ۔ نن د ارشاد، حج او اوقافو وزیر محمد قاسم حلیمي په خپل کاري دفتر کې د شهیدانو او معلولینو په چارو کې د دولت له وزیر ښاغلي لعل الدین اریوبي سره د معلولیت د ملي ستراتیژۍ او د هغې د تطبیقي پلان او د دواړو ادارو تر منځ د ګډې همکارۍ په موخه خبرې اترې وکړې.

په پیل کې ښاغلي اریوبي د معلولیت د ملي ستراتیژۍ په اړه معلومات وړاندې کړل. نوموړي وویل: د معلولیت ملي ستراتیژي د معلولیت لرونکو وګړو د ژوند د ښه والي او د هغوی د ژوندانه ستونزو ته د رسېدنې په موخه جوړه شوې ده، چې د هغوی د ژوند لس کلن لرلید ښيي.

نوموړي زیاته کړه، چې موږ د هر وزارت تطبیقي پلان له وړاندې جوړ کړی او ددې پلان د غني کېدو لپاره یې له ټولو وزارتونو او ادارو سره شریک کړی دی، هره اداره کولای شي د خپل کاري استقامت سره سم خپل تخنیکي وړاندیزونه او نظريې په هغه کې ځای پر ځای کړي.

ورپسې د ارشاد، حج او اوقافو وزیر محمد قاسم حلیمي د هغه وزارت له رهبري څخه مننه وکړه، چې د مؤثرې او پرځای ملي ستراتیژي په جوړولو کې یې اقدام وکړ، او په دې برخه کې یې ورسره د هر ډول همکارۍ ژمنه وکړه.

ښاغلي حلیمي زیاته کړه. د معلولیت لرونکو وګړو سره مرسته او همکاري یو دیني مسؤلیت دی او دا وزارت به د معلولیت د ملي ستراتیژي په تطبیق کې د شهیدانو او معلولینو له وزارت سره په همغږۍ کار وکړي. نوموړي وویل، چې د هېواد په ټولو جوماتونو کې به د معلولیت لرونکو وګړو لپاره اسانتیاوو ته لاسرسی په نظر کې ونیسي او په مرکز او ولایتونو کې به د جوماتونو د منبرونو له لارې د معلولینو د حقونو په اړه به د عامه پوهاوي پروګرامونه په لار واچوي.

ورپسې د شهیدانو او معلولینو په چارو کې د دولت وزارت مقام تخنیکي سلاکار حبیب خان ځاځي د ارشاد، حج او اوقافو وزارت اړوند د ملي ستراتیژي پر محتوا خبرې خبرې وکړې، چې له هغې جملې څخه يې ټولنیز ادغام، زده کړې، عامه پوهاوی او دغه وزارت کې یې د معلولیت لرونکو وګړو استخدام یاد کړل.

Latest news

Mon, Jun 27 2016 3:31 PM
Background image

Signing memorandum of cooperation between Ministry of Hajj, and Religious Affairs and the Ministry of Education

Memorandum on removing illiteracy between ministry of Hajj and religious Affairs and ministry education was signedby Excellency Faiz Mohammad Osmani Minister of Hajj and Religious. . .

Sun, Jun 05 2016 10:32 AM
Background image

The first registration and organization center of hajj affairs (Integrated pilgrims central zone) in Kabul, inaugurates

The first Hajj Operation registration center(integrated pilgrims central zone) was inaugurated in a special ceremony in the presence of His Excellency Chief Executive of the Islamic. . .

Sat, Jun 04 2016 3:26 PM
Background image

Distributionof mosques prayer carpetbegin, in cooperation with the Embassy of Saudi Arabia in Afghanistan

Distribution of 190000 meter prayer carpet which cost two million dollars, for mosques of center and provinces in the country from the aids of friend and brother country SaudiArabia. . .

BACK TO NEWS