د ارشاد حج او اوقافو خبرتیا
د ارشاد، حج او اوقافو وزارت خبرتیا! د کابل ښار مرکز او نواحیو محترمو حاجیانو ته خبر ورکول کیږي، چې د ۱۴۴۳ هجري قمري کال چې د ۱۴۰۱ هجري لمریز کال سره سمون خوري د حج فریضي اداکولو د مصارفو څخه پاتې پیسو د مهال ویش جدول سره سم ویشل کیږي. د یادونې وړ ده، چې ياد شوي مهالوېش له مخې، سبا سه شنبه د صفر ۱۶مه نیټه د ۱۴۴۴هجري قمري چې د سنبلې له ۲۲مې نیټې د ۱۴۰۱ هجري لمريز کال سره سمون خوري، د پاسپورټ او تابعيت سند (تذکره) له اصلي او رنګه کاپي سره د خپلو پیسو تر لاسه کولو لپاره دي د زړو مکروریانو د ملي بس څلور لارې، مرنجان تپې ته څېرمه، د مرکز زون حاجیانو مجتمع ته مراجعه وکړئ. همدارنګه د ولایتونو محترم حاجیان دې په خپلو اړوندو ولایتونو کې د ارشاد، حج او اوقافو ریاستونو ته مراجعه وکړﺉ. نوت: هغو محترمو حاجیانو ته چې محرم لري، نو مهرباني وکړئ محرمې (ښځېنه) له ځان سره مه راوړﺉ، یواځي د هغوی اسناد له ځانه سره راوړﺉ.
