دلومړی ځل لپاره په کابل کې دامام اعظم ابوحنیفه رحمة الله علیه نړیوال سمپوزیم ترسره شوو.
دامام اعظم ابوحنیفه رحمة الله علیه لومړنې نړیوال سمپوزیم د ارشاد, حج او اوقافو ښاغلی وزیر مولوي عبدالحکیم منیب, دکابینې, ملي شوراء او سترې محکمي غړو, دپوهنتونو استادانو, د ۱۵ اسلامي هېوادنو جیدو علمای کراموپه حضورکې او دافغانستان اسلامي جمهوریت دویم مرستیال جلالتمآب استاد سروردانش په علمانه, هراړخیزه اودپام وړ ویناسره رسمآ پرانستل شوه. په پیل کې دشیخ القراء استاد قاري برکت الله سلیم په خوږ غږ کې دکلام الله مجید څو مبارک ایاتونه تلاوت شوه. ورپسی دتشریفاتو ریاست دتخنیکی ټیم له لورې دملي سرود وروسته دارشاد, حج او اوقافو وزارت مسلکی مرستیال دکتور امین الدین مظفری ګډون والوته دښه راغلاست سربیره دامام ابوحنیفه رحمةالله علیه په شخصیت او ژوند هر اړخیزه ویناوکړه. بیاد امام ابو حنیفه دمسجد خطیب او دعراق هېواد دفقهي ټولنې دپلاوې غړی دکتور عبدالستارعبدالجبارعباس الربیعی دستر امام دمقام او مکانت په اړه وینا وکړه, له دې وروسته دترکي هېواد جید عالم دکتور کورکماز دحنفی فقی دپراخوالی په معلومات له ګدونوالوسره شریک کړل,دي ته ورته دکتور عبدالستارالجبالی دمصر الازهر اسلامي ټولنې جیدعالم دحنفی فقی په اړه وینا وکړه. ورپسی دهندهېواد د دیوبند عالی دارلعلوم استاد شوکت علی قاسمي دموضوع په اړه پوره دپام وړ او ټولمنلې وینا ترسره کړه. دغرمې ډوډې او لمانځه له دمي وروسته دتلاوت په ترسره کولو په لومړي پنل کې چې دسعودې عربستان,تاجکستان,مصر,هندوستان او افغانستان هېوادونو استازو علماوګډون درلودچې دګډ شمېر موضوعاتو اوپه ځانګړې توګه يې دحنفی فقه کې د اعتدالي افکارو او وسطیت په اړه بحثونه وکړل. دي ته ورته په دویم پنل کې دترکي, روسی, مالیزیا, چین او افغانستان هېوادونو جیدوعلماي کرامو هم دګن شمېر موضوعاتو په اړه مباحثه ترسره کړل چې پایله به يې د دویمې ورځي په پای کې جمع بنداوله نړیوالو سره شریک کړي. دیادونې ده چې داستر سمپوزیم دجلالتمآب د ولسمشر په لارښونه دارشاد,حج اواوقافو وزارت او اړونده ارګانونوپه همکاری داستر ځلانده توګه دلومړي ځل لپاره د 3500تنو علماي کرامو په ګډون په کابل کې ترسره شو چې دوه ورځي په لړکې ونیسي.
