د تبریکی پیغام
قفقاز مسلمانانو د ادارې رئیس او د آزادو هېوادونو دادیانو د رابطې د مشترک مجلس رئیس شيخ الإسلام الله شكر با شازاده د افغانستان اسلامي جمهوریت د ارشاد، حج او اوقافو د وزیر کيدو له امله محترم محمد قاسم حلیمي ته مبارکې وويله السلام علیکم ورحمة الله وبرکاته په ډېرې خوښۍ او خوشحالۍ سره مو د دوست هېواد افغانستان اسلامي جمهوري دولت د ارشاد، حج او اوقافو وزارت مقام ته ستاسو د رسیدو خبر ترلاسه کړ. په همدې مناسبت خوښ یم، چې د خپل ځان له لوري اصالتاً او په آذربایجان او قفقاز سیمه کې ستاسو د وروڼو له لوري نیابتاً تاسو ته د مبارکۍ لوړ مراتب او د ورورګلوۍ هیلې وړاندې کړم او په نوي منصب کې درته د بریا او کامیابۍ غوښتونکی یم. له الله جل جلاله څخه غواړم څو تاسو ته د اسلام او مسلمانانو د خدمت، د اسلامي معاصر فکر د خورولو، دعوت، تربیې او د ادیانو او کلتورونو ترمنځ د مرکو او خبرو اترو لا زیاته مرسته په برخه کړي. زه ډاډه یم، چې د قفقاز د مسلمانانو د ادارې او ستاسو تر مشرۍ لاندې د ارشاد، حح او اوقافو وزارت ترمنځ به په راتلونکي کې اړیکې او مشترکې مرستې لا پراخه او پیاوړې شي، چې اسلام، مسلمانانو او ټول بشریت ته به ښه خدمت وکړای شي. په پای کې یو ځل بیا درته د زړه له کومې مبارکي وایم او تاسو ښاغلي ته د بشپړې روغتیا او عافیت غوښتونکی یم. شیخ الإسلام الله شکر باشازاده د قفقاز د مسلمانانو د ادارې رئیس
