د ارشاد حج او اوقافو مبارکی پیغام
وَ أَنْ لَيْسَ لِلْإِنْسانِ إِلاَّ ما سَعي
افغان قهرمان ماشوم صبغت الله د ریاضي په نړیوالو مسابقو کې د (40) هېوادونو تر منځ لومړی مقام خپل کړ.
دا چې ښه خبر تل زړه خوشحاله کوي او یاد یې تل پاتې کېږي، موږ هم د الله جل جلاله له دربار څخه مشکور یو او ویاړو، چې زموږ د هېواد او بیا د زخمی هلمند تنکي ځوان صبغت الله د (40) هېوادونو او (4000) څلور زره کسانو تر منځ د ریاضي په نړیوالو مسابقو کې لومړی مقام خپل کړ.
د ارشاد، حج او اوقافو وزارت د رهبري هيئت په استازیتوب ددغه خوږ او هیله بښونکي خبر مبارکي لومړی صبغت الله جان ته بیا دده کورنۍ، د هلمند ولایت فرهنګ پاله ولس، په کلی شوری کی ددې ولایت پتکنو استازو ، د پوهنې ریاست او ددې ولایت چارواکو ته وړاندې کوم.
د صبغت الله جان دغه ستره او ملي لاسته راوړنه د ګران هېواد لپاره ویاړ بولم او د لوی خدای (جل جلاله) له دربار څخه دغه تنکي ځوان او د دې هیواد ټولو ماشومانو د بریا لپاره د دعاء لاس لپه کوم.
محمد قاسم "حلیمي"
د ارشاد، حج او اوقافو وزارت سرپرست
