د ارشاد، حج او اوقافو وزارت تر دې دمه سعودي عربستان ته ۲۷ زره حاجیان لیږلي دي.
دوشنبه ۲۶ ذوالقعدة الحرام ۱۴۴۵ هـ ق (۱۴ جوزا ۱۴۰۳ هـ ش)
دغه وزارت د اړوندو ارګانونو په همکارۍ د حج د پروسې په برخه کې د کاري پلانونو او برنامو په پلې کولو سره توانيدلی چې په روان کال کې د پروازونو له پيله تر دې دمه په منظم ډول د هېواد له پروازي زونونو څخه ٢٧ زره حاجيان سعودي عربستان ته ولېږدوي او په راتلونکو څو ورځو کې به هغه هېواد ته د حاجیانو د لېږد بهیر بشپړ شي.
د یادونې وړ ده چې (۱۵۱۸۴) حاجیان له مدینې منورې څخه او (۱۱۹۹۷) حاجیان د جدې له هوايي ډګر څخه چې ټولټال د حاجیانو شمیر (۲۷۱۸۱) ته رسیږي د (۸۶) الوتنو په تر سره کولو سره مکې مکرمې ته د حج د فریضې د اداء کولو لپاره رسېدلي دي او پاتې نور (3395) تنه حاجیان به په راتلونکو څو ورځو کې له هیواد څخه حرمین شریفینو ته ولیږدول شي.
