د ارشاد، حج او اوقافو وزیر په رسمي بلنه د ازبکستان هېواد د جیدو علماوو پلاوی کابل ته را ورسیده
چهارشنبه ۲۰ ربیع الثاني ۱۴۴۶ هـ ق (۲ عقرب ۱۴۰۳ هـ ش)
د افغانستان اسلامي امارت د ارشاد، حج او اوقافو وزیر شیخ الحدیث سر محقق قضاوتپوه دکتور مفتي نورمحمد ثاقب په رسمي بلنه د ازبکستان هېواد د مسلمانانو د ادارې مشر محترم شیخ مفتي نورالدین خالق نظر په مشرۍ مل پلاوی نن پلازمینه کابل ته را ورسېده.
د یاد هېواد لوړ رتبه د جېدو علماوو پلاوی به د افغانستان اسلامي امارت له لوړ پوړو چارواکو، مسؤلینو او منسوبینو سره په جلا جلا کتنو کې د دوه اړخېزو اړیکو او همکاریو په پیاوړتیا خبرې وکړي او په دیني او ښوونیزو موضوعاتو به د دواړو هېوادونو (افغانستان او ازبکستان) د علماوو ترمنځ د اړیکو پراختیا او پرمختګ، د جوماتونو او مدرسو په چارو کې به یو له بل سره همکاري او تجربې شریکې کړي او همدا راز به د افغانستان له تاریخي، مقدسو او مشهورو ځایونو څخه لیدنه تر سره کړي.
