له افغانستان څخه د حاجیانو لومړۍ ډله په خیر سره مدینې منورې ته ورسېده
پنجشنبه ۱ ذوالقعدة ۱۴۴۵ هـ ق (۲۰ ثور ۱۴۰۳ هـ ش)
د افغانستان حاجیان پرون شپه د کابل نړیوال هوايي ډگر کې د اسلامي امارت له لوړ پوړو چارواکو سره له الوداع وروسته د آریانا افغان هوايي شرکت له خوا لومړۍ الوتنه د سعودي عربستان په لور ترسره کړه او مدينې منورې ته ورسېدل.
په دغه پرواز کې د پکتیا ولایت (۲۳۰) تنه حاجیان شامل وو چې د یاد ولایت حاجیانو ته په مدينه منوره کې د افغانستان بعثې قونسل او د بعثې کاري کمېټو مسؤلینو له لوري یې تود هرکلى وشو او وروسته اړوندو ودانيو (عمارو) ته ولېږدول شول.
په سعودي عربستان ( مدینه منوره او مکه مکرمه ) کې افغان حاجیانو ته د استوگنې، روغتیا، تغذیې او ټرانسپورټ په برخو کې د اسانتیاوو د برابرولو په برخه کې لازم تدابیر نیول شوي دي
